WWW.TUNGZANGNEWS.COM

 
       Sangmang Nelsonte tanu Lois Myers te khualzin nang zaksak na

   Hong tung ding 2014 kum December kha sungin, Sangmang F.O. Nelson te Tedim khua hong tu'n zawh kum 75 ci'n na, Diamond Jubilee Tedim khua CMBC ah kibawl ding hi. Tua Jubilee pawi siim dingin, Nelson te tanu upen Lois Myers leh ah tapa 3 Tedim pai ding cih kiza hi.
          2010 kum aa kibawl Cope Topa Tedim khua hong tun' zawh kum 100 cin na pawi kibawl aa, Lois Myers leh a meltheih tanau pawl khat zong tua pawi siim dingin Tedim pai uh hi.Ahizongin bangteng bangteng lemlohna hang hiam khat tawh, Kawlpi (Kalemyo) pan Tedim paito thei nawnloh uha, a'pai nopna bulpi Tedim khua phalo in U.S hong ciah kik uhhi. 
          Anuta teng li un Thanksgiving ni khitteh U.S pan ding khia ding in geel uhhi. Tutung zong abeisa a Tedim pai sawm bangin, Kawlpi pan Tedim a' pai theih nawnloh khak ding uh patau leh lau in dahmahmah uhhi. Tua ahih ciangin Zomi mimal or Pawlpi min tawh akua mah peuh in, phone set  {(785) 877 2830} in tha ihpiak ih panpih ding leh Kawlgam lampan zong ahi thei bangbang in, kumpi vai ahizongin, khualzinsuk zinto nading vai, giahna khawlna ding vai khempeuh ah ih panpih ciat nang ko zawn nuam hi. Avaihawm ageel, asemte hawmthawhna hi lo in, "in case" cih paatauhna hi zaw hi, Hong telsiam un. Lois Myers in Tedim khua anusiat un kum 9 bang phata aa Tedim khua a mitkha ah tel mahmah lai -in, Tedim pai kik nuam mahmah hi. 
          Tu aa teng ban ah, ih Zongeinahoih ih theihsakna in, mimal hanciamna tawh ahi zongin, Pawlpi hanciamna tawh ahizong in, suunsiahtun nang sum atam atawm cilo-in, kidong in (A sum kaikhawm ding khat hong volunteer unla) pia thei leng hoih mahmah ding in ka um hi. A mau zong ei Zomi te hong it mahmah aa, en' zong amau ih itna ih lahna khat hi ding hi. 

Lungdam,

Khupkhan Thang Taithul
5104 Ladbrook Street
Norman, OK 73072
U.S.A.
 


Comments




Leave a Reply