WWW.TUNGZANGNEWS.COM

 
ZOFATE KHAWMPI - HAKHA

Zofate Khawmpi ... ci in Lianthang Jasuan in facebook ZomiDaily group ah October 24, 2014 ni a ong post ka mu a, ka lung hihmawhna  man in Zomi mimal khat ciat in ngaihsun khawm mahmah ding ka lunggulhna tawh ZomiDaily a mukhalo i om khak leh ci in hih thu ong khak kahi hi.


ZOFATE Khawmpi
Hakha, Chin State

MIZO STUDENT UNION leh CHIN STUDENT UNION ten Chin state khuapi Hakha ah ZOFATE Khawmpi nei ding ci. India, Bangalades, Burma gam thum a teng ki mu khom ding ci uh. ZOMI SIAM SIN te a ki hel tam? Tualai ah Mizo pau ki zang ding ci lai uh hi.

Hih a tung a teng leh man (photo ) belhthuah in a post ahi hi.

Ei Zomite' ading in,

Thupi lo cih theih taktak bel om kei. Ahih hang, ei sung ki pumkhat zo lo pi khawng in kitulmawh masak denkeei pen deihhuai masa kei. Ei kipumkhat photphot ni. Tuaciang milak ah thupi pan ding hihang. Hihbang hun leh thu le la a om ciang Zomite lak ah Minam bup huam zolo pi khawng, General without Army ut i om pahpah pen dongkholh mahmah hi. Tua in i Minam ki thutuahna a kipan, Minam kalsuanna, atawpna ah i hamphatna ding dong in tampi ong su nawngkai in ong khaktan thei zelzel ahi hi. Democracy diktak tawh Kawlgam kicvaipuakna ong bucing hileh a sukkhakna ama lian deuhdeuh lai ding ahi hi.

Tua ahihman in, I minam leh I gam mailam ding saupi khualna tawh Zomite' lak ah General Without Army teng hahkhiat a kul hun, hepkhiat a kisap hun ong tunkhak ding ka patau sim gige hi.

GZA Makai Siapite' kiang ah thu ka gen ngei a... I minam ading in ma lianpi nong tutpih ding uh nakpi tak ka lam-en uh hi. A zenzen a bangmah nong tut kei uh leh khangthakte in nidang ciang in " Thanoknu' luhzawh loh kuan luhzo ding" ... kici khading hi. Ahihhang, minam leh gam vai khawl tuanlo in kisem veve ding a, tuni a no siapiteng makaihna tawh nui lingling a iseptheih thute, khangthak te'n si le nai tawh asep hun uh ong om khading hi.... tu a i nasep ding pen i minam sung ah " Revolution ( in all aspects ) by means of nonviolence" hi .... kaci hi... General without Army teng by force tawh i hepkhiat, i hahkhiat a kulhun ong om tak pi leh... hih siapite kiang a kagen kholh thu ong tung takpi ding ahih man in a dah sim gige kahi hi.

Kawlgam hun kikhelna kal ( pace/speed ) tawh kizui in Zomite' lah ah zong hihthu ong tun dinghun anai agamla khuahun ong kihei ding hi.

Sim leh mal, suah leh tum tuipi mong dong ah a om Zomite' Kipawlna tuamtuam, Party tuamtuam makaite, Biakna Pawlpi siate leh Minam it a avei velvel mipi aham amoi in ngaihsut huai loding hiam?

Gam leh Nam itna hang a mimal muhna leh ngaihsutna hi.

Zomi itna sung ah,

Pau Khat Suan

 


Comments




Leave a Reply