WWW.TUNGZANGNEWS.COM

 
ZYA Weekly Sept. 26, 2014
Editorial

A (9) VEINA ZOFA CUP 2014

Kalaymyo dungsuk a, Zomi khangnote kimeltheihna ding kilawmtat theih nading ngimna tawh 2006kum a kiphunkhia Zomi Bawlung kipawlna (Zomi Football Association ZOFA) pen tuin pawlpi kem Siate, vaihawm Upa makaite leh gamsung gampua a om Zomi u leh nau, nu le pate panpihna tawh in gualzawhna tampi i ngah a, tu in zong note panpihna mah tawh in a kum 9 cinna ZOFA Cup 2014 pen hong tung ding Oct. 27, 2014 ni-in Singunau Pu Suang Kho Kam tualpi ah thupitak in bawlkik dingin geelna nei hihang.

Pawlpi kim in i kihel zawh loh hangin Pawlpi kim panin khangno kimawl ukte a kihel pawlpi panin Tuiphum, AG, R.C, SDA,. etc... cih deidan om het loin lungkimtak in hong kiheltheih banvuah makai Sia, Upa nulepate in zong i khangnote kham se loin, ei pawlpi a kihelzawh loh hun ciang pawlpi dang panin i kihelsak veve manin ZOFA ngimna lawhcinna khat ahih manin kilungdam mahmah hi. Tuni ciang ZOFA pan in Yangon ah kimawl dingin khangno (15) paisak khinta hihang.

ZOFA Cup kum 9 sungah sum le pai a buppi in hong si LZI, FZI, Tg. Sangpi, KZI leh Zinmang hong sem U Khaipi, Bishop Lian Khen, U Gin Khan Pau, Rev. Go Za Nang, Rev. Thang Khawm Pau, Rev Tuang Khan Kap, Pu Khai Deih Tuang, U Thein Hlaing le c.,.u makaipite tungah zong lungdamna lian mahmah. Note tawh mapangkhawm a i sep i bawlsa leh tha nong piaksa uh hih ZOFA Cup ah i khangnote i kihel zawh nadingin hanthawn in lamlak in panpih ciat ding in i kithumnuam hi. Topa'n ZOFA Thupha hong pia hen.

ZOMI MEDIA NETWORK: Mailam ah Zomi buppi huam in laihawm kiciantak neihzawhna ding lunggulhna tawh Sept. 25, 2014 nitak 7:00 PM panin Z.Y.A zumah Zomi sunga laihawm makai teng ahi Zo Aw, Tongsan, Zomi Times, Zo lengthe, Tedim post, Zomi Siamsin Awging, IPR leh Z.Y.A Weekly News Kalay-te kimukhawm in i lawmte'n Chin Media Net- work picingtak in a neihmah bangun ei zong Zomi Media Network khat neih ding thukimna kinei in Standing Committee dingin Zolai tawh lai hawm nei khempeuh i Chief Editor le Editor teng hidinga, Convenor dingin Rev. Thang Van Lian, Tedim Post Editor pa kiseh hi. A man hong van in meeting hong samkik dinga tua hun ciangin Zomi Media Network panmun kip bawlin Kumpi tungah zong phalna (rSwfyHkwif) ngen in Zomi sungah thu kizakna thupitak in sep ding lunggulhna kinei hi.

A 9 VEINA ZOFA CUP 2014: A 9 veina ZOFA Cup 2014 pen Oct. 27, 2014 ni pan kipan in Singunau Pu Suang Kho Kam tualpi ah thupitak in kibawl ding hi. A kihel nuam ding peuhmah in Z.Y.A zum ah na Team min uh na pia mengmeng un. ZOFA Cup 2014 min piasa teng-

1.  Z.Y.A Hlaingtaya,

2.  Phualpi AG,

3.  Israel Pawlpi,

4. UMAS,

5. Tahan B.C ZOLAI

SEMINAR LAMKA AH: Zomi Languistic and Literature Society (ZOLLS)te makaihna tawh Oct. 7-9, 2014 sung teng Manipur gam Lamka khuapi ah Zolai tawh kisai kikupna (Seminar) omding a, Kawlgam panin zong Zolai tawh kisai na sem mi (10) tang pai ding cih thu kiza hi. Z.Y.A panin zong Z.Y.A News Editor leh Secretary zong va kihel thei ding uh hi.

PALETWA AH KHUMI LAI KISIN: Chin State khanglam Paletwa khuapi a om tansawm sangah Sept. 24, 2014 ni pan kipanin mualtung mite lai (wdkif;&if;om;pmay) sinna tawh kisai in Khumi (clrD;) lai sinsakta hi. Kalaymyo khawngah zong Zolai kisinsakta a, a min pen Tedim lai (wD;wdefpmay) kici se ahih manin Zolai Committee-te in a manlang theithei in Tedim lai pan Zolai ah hong khel nading uh kilunggulh mahmah hi. Zolai i cih mah Tedim lai ci- in hong laih khelsak om ahih leh zong Zomi bup tungah nong pholak nadingun kong thum uh hi.

Z.Y.A NEWS TATMAN ZAKSAKNA: Z.Y.A Weekly News tatman kumkhat ai ding in Ks. 1500/- na palai (Agent) te tungah na pia mengmeng ta un. October kha sunga tatman pia lote hong kikhak zo nawnlo ding hi. Palai (Agent) te in zong tatmante na kaikhawm mengmengin zumah nong khak nadingun i kizaksak hi.

GLOBAL ZOMI IDOL KIBAWL DING: Leitungbup Zomi lasak siam kidemna Global Zomi Idol (GZI) Central Zomuste' vaihawmna tawh neih dingin geelna nei uh hi. Hih la kidemna dingin munpi (6)in kidem dinga, a tawpna (final) kidemna pen USA gamah kibawl ding cih thu kiza hi. Hih munpi (6) dingte- (1) India (2) Kawlgam (3) Singapore (4) Australia (5) Europe (6) USA

SUM BEILO MIKANG LAI & PAU SINNA: Trinity English Center-te makaihna tawh in English Grammer le Spoken English sumbei loin sinna Nov. 3, 2014 ni-in Rhema Mission Center, Tat Oo Thida 7/ 89 ah kihong ding a, tan 6 pan a tungsiah kisang ding hi. Zingsang lam nai 7:00AM - 10:00AM le nitak lam 4:00PM - 7:00PM hiding hi. A cingzaw in a theinuamte'n Ph. 09 33567651, 09 33237566. Note: Min piak hun Sept. 25, 2014 pan Oct. 15, 2014 kisang dinga, sang lut ni-in Ks. 15000/- kila dinga, laisimna man ciang in kipiakik ding hi.

KUMPIPA THUKIMPIHNA NEI: Mandalay khuapi sungah Sept. 25, 2014 ni zingsang nai 9 panin Kumpipa U Theih Sein in gamle minam ading a sep a bawlna ahi mi zawng kiawm nading lokhote hamphatna ngahna, gam vai a thongkiate suahtakna a kipan a geelnate tungah ka lung uh kim mahmah hi cih lahna in Mandalay khuapi ah lampi zuihna pawipi khat kibawl hi.

BEAUTIFUL LAIBU ZUAKNA: India gam bulphuh Pasian nasem kipawlna Laymen's Evangelical Fellow- ship (LEF)te makaihna tawh Sept. 25, 2014 ni zingsang in ZCLS zum innthak ah Beautiful laibu zuakna leh honna thupitak in kinei hi. Khristian laibu minthang tampi leh Lai Siangtho bu hoih nono tampi banah, Gospel lasakna DVD naupangnote ading Lai Siangtho tangthu laibu leh DVD tawh kizuak in Origi- nal ngiat ahih manin deih huai phadiak hi. Na painai kei leh khatvei daksin le cin na deihna tamlua zaw in cinna lei ding ngaihsunsun zaw ding hiteh.

INDIA AH ANTANG TAN 100000 PUAK DING: Leitung ah Antang a tamzuak zo pen gamkhat ahi India gamin tukum India gam nisuahna saklam a meileng lamteng puahpha nuam uh ahih manin Kawlgam panin antang tan (qefwefcsdef) 100000 val ka lei ding uh hi ci-in gen uh a, Kawlgam ah tan 10000 pan 30000 kikal Tenda (wif'g) sam ding ci-in Kumpi thuneite'n gen hi.

NCCT LE UPWC KIMU: Kawlgam sung mualtung mi thautawite kipawlna NCCT leh Kumpi lam kilemna ding na sem pawl ahi UPWC-te Yangon khuapi ah Sept. 22, 2014 ni-in a 6 veina kimuhkhopna kipankikta uh a, ni 5 sung sawt ding ci hi. Hih sungah beisa kimuh khopnate ah thukimna a ngahzawh nai loh uh thu 4te kikum ding hi ci-in NCCT makai Dr. Lian Mung sakol in gen hi. Hih kikupna ah gambup huam galkap (jynfaxmifpkwyfrawmf) phuat dingin NCCT lampan a pulakna uh Kumpilam panin sang zolo uh ahih manin thukikupna dinkhawl cih thu kiza hi.

KALAYMYO ELECTRIC MEI: Kalaymyo ah Elec- tric mei hoihtak a kingahtheihna dingin 1250 KVA le 500 KVA Setpi 2 honna Sept. 25, 2014 nitak nai 5 pm in kinei in hih Setpi 2 tungtawnin Kalaymyo sungah Electric mei nikhat nai 5ta bang kingahzota ding hi ci-in thunei lamte'n gen hi.

KAWLGAM GALKAP LIAN PEN JAPAN HAWH: Kawlgam galkap lian pen (Senior General) Min Aung Hlaing le a zi leh ulian pawlkhat galkap lianpen Gen- eral Shigeru Iwasaki in gambup level in vai dawnna nasiatak in a neihpih khit ciangin nitak an nekpihna neihpih banah gallai a site kivuina Meiji Jingu hante hawhpihin zahtak na paakkual piakna zong va nei hi.

HONGKONG AH LUNGPHONA NASIA: Sen Kumpi ukna nuai-a tungkik a hi Hongkong gamte in Sen kumpi in ko gam pen Democracy diktak tawh ki- ukna a piak nading deihna tawh Hongkong Univer- sity sangnaupangte in lungphona Sept. 22, 2014 ni in kipanta uh a, ni 5 sung sawt dinga, Sen kumpi in De- mocracy mantak a piak masiah kizomtoto ding ci-in sang naupang makai khat in gen hi.

SYRIA AH IS MIGILOTE LAANG: Syria gam Turky gamgi nehlam ahi Kobane khuapi leh a kimtengah IS migilote in ladingin leilam tawh nasiatak in do uh a, Turky gam sungah, Kurdish minam galtai 130,000 cingta hi ci-in Sept. 22, 2014 ni-in gen uh hi. Iraq gam a ISte USte in nasiatak in do hi mah leh Synia gam sunga ISte kuaman do lian nailo uh hi.

AFGHANISTAN KUMPI THAK: Afghanistan gamah President (Kumpi) kiteelna ah President a cingtuak meetang simna man lo hi ci a, a lel ding a ut lo tuak President Candidate nihte ahi Mr. Ashraf Ghani le Dr. Abdullah Abdullah te kipumkhat in panmun kikim hawm in na sem dingin Sept. 21, 2014 ni-in thukimna suaikai khawm theita uh hi. Mr. Ashraf Ghani-in Presi- dent sem dinga gamkiukna lamah thuneihna lianpen Dr. Abdullah Abdullah  in nei ding ci uh hi.

RUSSIAGAMAH LUNGPHONA OM: Ukraine gam sungah Russia galkap a puakna leh Russia hanga Ukraine buaina a khawlna ding deihna leh hih banga na a sem Russia President Vladimir putin na sepna a deihlo Russia langpang partyte kigawm khawmin mipi 50000 val in Moscow khuapi ah Sept. 21, 2014 ni-in lungphona nasiatak in neikhawm uh hi.

ALBANIA AH POPE KHUALZIN: Europe gam sunga Muslim gamkhat ahi Albania gam sungah nai 11 sung Pope Francis Sept. 21, 2014 ni-in khualva zin a, mipi 250,000 tawh Mass Tirana khuapi ah a bawl khit ciangin Albania President tawh kimukhawm in biakna hai up mi pawlkhatte in biakna pen hiam gamtatna ding in zang uh a, Pasian deihna in daihna leh kilemna hizaw ci-in gen hi.

US IN IRAG LE SYRIA AH ISTE DO: USte in Iraq gam sunga IS migilote 190 vei vanlam panin bomb khiatkhin uh a, tun Arab gam 5 a hi Qatar, Saudi, Jor- dan, Bahrain, UAE-te in IS migilote leh Al-Qaeda migilote Sept. 22, 2014 ni-in do kipan leuleu in hih migilote phualpi ahi Aleppo, Hassakeh, Ragga, Deir.L, Zour le Abu khuapi 5 teng a IS le Al-Qaeda phualpi mun 14 nuai zansak uh hi. Hih sungin IS migilo 20 le Al- Quada migilo 30 banah nautang mi 8 in sihlawh hi. Syria gama ISte' supna pi ahi Deir Ar Zour khuapi kianga om sathau huppi Sept. 24-25, 2014 zan in susia in, migilo (14) leh nautang mi (5) si hi. Hih sathau khuk panin IS-te'n nikhat in sum $Awn 2 ta ngah uh a, tua tengtawh kipeipei uh ahih manin hih mun a suksiat uh Obama lungkimlua in khutbeng in muak ziahziah ci hi.

ALGERIA GAMAH FRENCH MI KHAT KIMAN: Algeria gama om IS migilote tawh kipawl thautawi pawlkhat in French gam mi khualzin papi Herve Gourdel kum 55 Sept. 21, 2014 ni zanin man uh a, French-te in Iraq gama ISte vanlam tawh a do, a khawl kei uh leh kithat ding uh hi ci-in to a, French PM pa in hih migilote tawh ka kikum kei dinga, zong ka thum kei ding hi ci-in gen hi. IS tawh kipawl mi gilote in hih Herve Gourdel a gawl tanin a thahna hangun French Kumpi hehin Iraq gama IS-te komau buplak ding hi ung ci-in a lipkhaphuai diakin Bomb khiat ngekngek (ciatciat) pah uh hi.



Picture
 


Comments




Leave a Reply