WWW.TUNGZANGNEWS.COM

 
Dear It le zahtak Zomipih khempeuh aw,

Global Zomi Idol ahih kei leh Zomi Idol (Global) ci in leitungbup a huam "Zomi Idol (2015)" a bawl ding ih hi hi.
A beisa in a masa penpen Zomi Idol (2007) pen Rev Dr Zam Sian Khai (USA) thumuhsiamna leh deihsakna tawh Pu Lengtong Kam Khen leh Pu Rev Dr Sian Za Lal@Zogam Lalpu te makai-in Yangon khuapi a om Tedim Baptist -Church ah kibawl hi. Tua lai ah Tg Do Suan Khai@Khaikok (Sezang ) in Zomi Idol ngah hi.  Yangon khuapi a om Zomite' la kidemna a hi hi. Yangon khuapi a om Zomite sung ah Zomi Idol tawh kisai thumuhna lianpi hong piang khiasak a hih manin thupi mahmah hi. 

 A nihna Zomi Idol (2008) pen Rev Tuan Khan Mung@Tua Mung  thumuhsiamna leh makaihsiamna tawh ZBCM gambup in  Kawlpi a om ZBCM huangpi sung ah kibawl hi. Tua lai ah Tg Thawng Go Thang@Thangta (Sezang) in Zomi Idol ngah hi. Kawlpi leh Zogam sung a om Zomite la kidemna a hi hi. Zomite sung ah Idol cih kithei semsem sak hi.

A Thumna Zomi IDol (2009) pen Malaysia a om ZAM (Zomi Association of Malaysia) leh Malaysia ZOMUS te geelkhopsiamna tawh Kualarlumpu khuapi a om Hall pi ah kibawl hi. Tua lai ah Tg in Zomi Idol ngah hi. Malaysia  a om Zomite la kidemna a hi hi.  Zomite sung ah Idol kipak ta semsem sak hi.

A Lina Zomi Idol (2011) pen Kawlgam a om ZOMUS teng kipawl khawm in Kawlpi-Tahan EFC Hallpi ah kibawl hi. Tua lai ah Lia Niangpi (Tamu) in Zomi Idol ngah hi. Leitung gamtuamtuam a om Zomite sung ah Idol paktakna hong khangsak semsem ing.

2011 khit zawh Zomi Idol pen Zomite lom om zawkna gam nih a hi Malaysia leh USA te in kum sim phial in a mau mun tek ah Zomi Idol hong bawl zo uh ahih manin hong Zomite sung ah Idol thupisakna hong khang semsem hi.

A beisa a ih sepkhiatnate tungtawn in Idol tawh kisai in Zomite sung ah  khanlawhna leh khantohna tampi hong guan hi. Tua tawh kizom mah in Leitungbup a om Zomite kipawlkhawm in Leitungbup ahuam Zomi Idol (Global Zomi Idol)  tel zo leng cih lunggulhna liana lianpi Central ZOMUS in hong nei a tua thu GZA makaipi te tung ah kipulaakin hong thukimpihna tungtawnin Leitung gamtuamtuam a ZOMUS te leh Zomi Innkuan tuamtuam tawh sepkhop ding in a kigeel a hi hi. Tua hi-a tu in Zomi Innkuan USA(ZIUSA) EC in thukimna hong zasak kik khin uh hi. Gamtuamtuam a om Zomi Innkuan tuamtuam te zong tawh kithuzaksan laitak zong om hi. Tua mah bangin a munmun a om ZOMUS kipawlna te zong thukim khin tek uh hi. India gam a ih sanggamte in Zomi Artist Association (ZAA) cih kipawlna lianpi khat nei uh a tua te zong tawh sepkhop ding lungkimna ZAA president Pu Thuam tawh phone tawh kithuza khin ih hi hi. 

Sepkhiat hun ding tawh kisai in 2014 sung a gamgam ah a sem a bawl ding te thahatna zui in  Aw sittna (Audition) pan  Level 2 dong kipan ta ding hi. A kipan thei nailo gam te 2015  kum bul lam ah kisem pah ding hi.

Final kidemna ding a mun tawh kisai in Plan A, B, C cih kigeel hi.
Plan A pen gamthumna leh  Zomite tampenna ahi Tulsa, USA kiseh hi. ZIUSA in zong innteek hong  sepsak ding  EC thukimna  hong zasak khin ahi hi.

A hun leh ani ding tawh kisai in Level 2 man khit ciang in innteek ding te kithawina hun ding leh a kidem ding te kithawi hun ding tawh kizui in hong kitaangko kik ding hi.

 Ih Idol pen Global Zomi Idol 2015 or Zomi Idol (Global) 2015 a hi hi.

Ih lungulhna leh ngimna bulpi in:

1. Zomite kipawlkhawmin nasepkhopna tawh minampi (Zomi) ih hihna kitheihsak zawh nading
2. Zomi Lasiamte a siamna uh thupisa in tua tawh  a kivak zawh nadng 
3. Zomi khangthak lasiam tampi hong pian semsem na ding

A gamgam a Center tek pan in thuvaihawmna te a hun zui in kizasak toto ni.

Zomi khempeuh mapang khawmni.

Zahtakna Lianpi tawh,

Vekpi tangin,


Rev Suan Khan Lian@Lianpi
GS, Central ZOMUS, Yangon

 


Comments




Leave a Reply