WWW.TUNGZANGNEWS.COM

 
 Innlam ciah un' Azom Pu P K Suan !

Asia gamsung ah khuapi minthang veve khat ahi Singapore zong akihel khat hi. Singapore ah mihau mipil zong tammah hi. Ahih hang Singapore ah mipil mihau atam uh hang in ei mau mah tawh kibang lel uh hi. Singapore ah Zomi ka tam kei uh a, Minam ading in bangmah kiding kisem khin zo sam lo ahihi. Nomau tengtawh ding khawm sem khawm ding hihang.

Abeisa ki ukna sung ah Nyainganyii cih pen Dawisang kih tak huai zaw liang in ki makaih na sungah i kiuk cip kha hi hang. Tua hi in mipil miciim pipi pawl khat te bang U Nuh hunlai , Nay Win hunlai lungsim anei ki omlai hihang. Khialsam lo hi. Akhengcip hizawsop thei cihsak ni.

Tua ahihman in Zomi te ki makaih ding ahun mahmah ahih sam hang in gam leh nam ading thugen hun mahmah omngei lo in hong kiuk cip hi. Zomi te ii ki makaihna taktak Biakinn sung a Pulpit tung pan bek hi a, Khuasung hausa meeting na hun leh Khualai ah minamvai thugen khiat hun mahmah omngeilo, nei ngeimahmah lo, neihsawm vetlo ding in hunsau pisung hong kidiah to hi.

Tua in ahong khangthak Zomi te masuan ahi khantohna Pilna, Minam itna, Ngeina leh Lai itna kepcingna puahtohna, vaitampi hong kikhak cip in Ipian na leitang mahmah itna zong kinei zo nawnlo in lungsim dautak in hong peeng leensak hi.

Hong uk kumpi in thadah ding zulhtat ding olneek olzat ding in galkap te zang in hong makaih sak na hang in Zomi te zong Paulap beimawh Pasian tung thu ngen ding, Pasian in hongpia ding, Mawkna in ngah ding, cih lungsim daitak in ki makaihna kitungkha ahihi. Ataktak in cing leng Pasian zong umding suakta tak in gam leh nam puah to ding a ki makaih ding ahihi. Tua bang ki makaihna gam leh mun te khangtolo cihbang omlo hi. Azawng ahau silh leh teen Neek leh dawn kibang kim hi.

Neektawm ngah na pak ding ki makaihna te khantoh na hi peuhmah lo hi. Tua man in nasep na ah' ivek in pan kopna, sep khopna in thupi in ma kitun zo a minam leh igam in thupi suah in khangto hi. Maikum ciang in Zosuan tuailai khawmpi ah minam khantohna ding khangno te ki makaih zia ding leh asep ding te, akhilkhil, anamnam in sem khawm ding hihang. Asum hi masa lo in khangno te'n gam leh nam ait aveina ding alungtang uh leh a ngaihsut na uh a kihon na ding lampi ihon sak kul ahihi.

Laidal no khat tek hong hawm ning in na lungsim uh ah gam leh minam na veina te uh leh Mailam ah sep ding hoih nasak uh hong gelh un. Lungdam!

Hau Thang

 


Comments

09/22/2017 06:35

Each association together is giving instructional get-togethers to their new authorities and bear the cost of engineering. Especially uncommon analysts put a demand in the sythesis making and TV demonstrates that there a couple of streams in our game-plan structure. That need the relationship to direct such prepare for their experts, such demand ought to be tended to soon.

Reply



Leave a Reply