WWW.TUNGZANGNEWS.COM

 
kawl Kumpi ten ZDF Signboard suang ding phal na lai leh man athu, sep na te

           November - 15 -2014 ni nitak lam 4:30 PM pan 6:00 PM dong, Zogam tulpan kaisa apuah azuun ding in To pa’n amakaih kipawlna Zomi Development
Foundation (ZDF) zumpi signboard suan na kinei hi. Hih signboard
suanna hunpi sung ah Tedim khua Lawibual veng hausa upa makai te,
ZYA-Tedim, ZCD-Tedim le kipawlna tuamtuam pan makai tang mi te zong
kihelthei hi. Tua hun sung ah Taang Thang Nen Mung, ZDF- Secretary in
hun kem hi. 



A) ZDF te na sep na tukum sung tuni ciang Cikha kuam khua (11) ta ding Haicin khua ah 25- -03 - 2014 ni a khawn khawng Zomi Zato Phut.

B) 22 - 08 - 2014 ni Tongzang kuam Zampi khua ah akhawn khawng Zomi Zato phut.

C) 17- 09 - 2014 ni Tedim kuam Heilei khua ah akhawnkhawng Zomi Zato phut.

 D) Japan kumpi ten ih gam hong huh ding ZDF ten galpi nih na a Japan galkap asih te guh zong pih ding cih thukim na nei khawm in kha (7) bang khut ki leng khawm ta uhhi. Tedim sing No sung lam tentan sang kawl kumpi, ZDF, Japan hih  3 khut ku leng in tentan sang lam ding akhaici te leh aki sam bangbang Japan kumpi te sik ding cih thukim na nei khawm uhhi.


Pu Paul Pau, ZDF- President in ZDF a pianna thu, ZDF in
seplebawl sa te pulak na le ZDF mailam kalsuan ziading te pulak behhi.
Tua sung ah thupi li-(4) in kikhen thei a,tua te pen:

1)      A masa pen in ZDF dialkhai a pianna thu le adeihna thu pulak hi.

2)      A nihna ah “Ih Zomi te cidam na ding, Zomi akhawn khong Zato Cikha
township Haiciin khua, Tonzang township Zampi khua le Tedim township
Heilei khua te ah kinei hi. Hih Zato te ah ihneihsa teng gawmkhawm in
paracetamol tang khat a kipan Zomi khempeuh mapang khawm a ih Zomi te
ihpuah ihzuun theih na ding le mailam ah Zomi akhawn khong Zato tampi
ih neih ding lunggulh na, ih Zomi buh it na le zahtaak na tawh
mapangkhawm ding ZDF in  kongzawn uh hi.” Mimal a hizong kipawll na
tuamtuam, biakna pan a hizong ih Zomi bup cidam na ding in mapang
khawmding hi hangcih zong genbeh lai hi.

3)      A thumna ah “Ih Zomi gam bup a pilna sang khempeuh ah  Zolai sim bu
tan lang pan tan li dong a khawnkhong in ZDF pan  piakding ngimna lain
pi ki nei hi. Bek tham lo in, ih Zomi tangthu bu Zogam bup ah mikim in
a ngahtheina ding in ZDF pan piakding ngimna ki nei hi.” Zotual lai
simbu bawllzawh na ding le a hilhding sia/siamah tintan hong in Zogam
bup ah a khawnkhong in hilh theihna ding ngimna zong hong pulak hi.

4)      A lina ah “ Ih Zomi Zogam khantohna ding in Japan kumpi tawh thukim
na omsa mah bang in Zogam bup a ding lokhawna lam thusinna
(agricultural training) Thantlang le Tedim ah centre nei ding cih
Kawlgam kum pi te zong tawh thukim na om samah bang in maban zop
ding.” Ci thu te hong pulak hi.

A masep na tungtawn in Zogam Doctor  Kham Za Khup  in Haiciin khua a
khawnkhong Zomi Zato ih seplehbawl leh lawhcin nate kipaak tak in hong
pu lak hi. ZYA- Tedim secretary Rev. Thang Van Lian in zong ZDF
matutna sa te a lungdam pihna leh mailam ah mapan khoptheih na ding
thugen naleh tha piak na hong nei hi. Lawibual hausa lam pan in zong
mi thum hong kihelthei in hausa pi pan thapiak na leh lungdampihna
nasiatak in hongpu lak hi. Laisiangtho tungtawn in ZBCM- Tedim zumpi
pan Rev. Suan Khen Kap in ZDF thubulphuh Isaiah 30:26 tungtawn in
hanthawhna le thapiak na hong nei-in thupha piakna tawh hun ki zo a,
hunman khitciang in man kilaziahziah in, hun man khit teh  ZDF in
nitaak an vak hi.

Hih Bang in Gual zawh na hong pia ih Biak Pasian min ihphat masa hi.
 A Sum A pai tawh hong huh hong panpih  Taang Dal Khek - AU tung leh
Thatawh ngal tawh athu tawh hong panpih te tung ahi zong in hong muak
zahtak ZCD te ZYA te leh HauSa pi te ZBCM Tedim Zumpi te leh ki
pawlna a tuamtuam te vengkim vengpang Nu le Pa leh Pi le Pu Lia le
Taang te tung lungdam na Lianpi ZDF Committee pan  kong ko  uh hi.
ihBiak Pasian in Thupha namkim khang zui in  hong pia kim ciat ta hen.

Thupulak

Pu Paul Pau

ZDF - CEC -President

Tedim Khuapi


Taang Thang Nen Mung
ZDF-CEC – Secretary

 


Comments

I don,t understand this article because I not know this page language and this is not translate into English. I just want to say that you must give the option of translate into English that we read this and get the knowledge .

Reply

Most critical and important topics used on this page always that help us to learn about new matters from which we are unaware. I hope to see more important articles with best explanation that is demand of everyone.

Reply



Leave a Reply