WWW.TUNGZANGNEWS.COM

 
Zomi Siamsin Seminar VIII- Nuamtak Kizo

Kawlgam sung a om College & University tuamtuam pan Zomi Siamsin Kipawlna (Universities- Myanmar) in kum sim aneih den uh a (8)veina Zomi Siamsin Seminar VIII pen November 19-24,2014 sung Ciimnuai Christian Fellowship biakinn, Hakha khuapi, Zogam ah thupitak kibawl cih kiza hi. Tua laiah Kawlgam le Zogam khuapite ahi Kawlpi pan 88, Tedim le Tonzang pan 9,Yangon le Mandalay pan 4 le Innteek Siamsin (Hakha+Falam) kigawm 33 hi-in, vekpi gawm 130 kim kipha cih kiza hi. Tua laiah Thulupi -Motto " Generation of Generations" cih bulphuh in kinei a, thugennate le thukikupnate zong picing le zaknop thei mahmah cih kiza hi.

Siamsin of the Year 2014 Pahtawi piakna zong November 23,2014 (Sunday) ni-in Ciimnuai Christian Fellowship biakninn mahah kinei a, tua laiah Pu Hau Khen Kham (Chin State Hluttdaw Speaker) in pahtawina ngahte letsong piaksak cih kiza hi. Tua banah Siamsin Seminar VIII hong pai Siamsin khempeuh in Kawlgam sungah daihna le kilemna (Peace) hong om suak  theihna ding deihna le lunggulhna tawh khuaimei vakin vekpi lungsim takpi tawh Pasian kiangah thungetna nei uh cih hi.

Tutung Zomi Siamsin Seminar VIII pen Kawl kumpite in Mualmipih i sanggam Kachin Independence Organization (KIO/KIA)te' galkapbo sinna sangpi Thu omlopi in Thaupi tawh akapna hangin galkap 23 si-in, honpi khat a liamna tungtang ah Kawlgambup Zomi Siamsin Kipawlna (Universities- Myanmar)te in Kawl kumpi mawhsakna le lungkimlohna laipi pulakna nei uh hi. Tua bek hi loin, abeisa October 30,2014 ni a President Thein Sein in Kawlgam Pilsinna vai Thukhun zui-in akipsapna tawh kisai Kawlgam bupah lungphona akibawlna zong Kawlgambup Zomi Siamsin Kipawlna (Universities-Myanmar) in zong mawhsakna le lungkimlohna pulakkhia uh cih kiza hi.

TZN:  Tg. Bia Mung

 


Comments

08/13/2017 04:56

Through this useful and meaningful blog we can come to know about a seminar. There can be seminars on different topics. In our academy there was essay writing seminar that was held last week. With the reading of this blog people can easily know about the worth of seminars

Reply

Your article are inconceivably astonishing I think you are fitting in your words and your 40 centers are to an astounding degree amazing I think we take after these obsessions for the cross of our life and make our life all around best so those necessities tail them the must endeavor since i should.

Reply



Leave a Reply