WWW.TUNGZANGNEWS.COM

 
Lungdambawl leh Kumthak Thuphapuak
 
Dear it le ngaih, ​tuipi galkai,
Zomi laizom u leh nau, nu leh pa, lawm leh gualte aw,
 
Ih damkim hiam maw! ci-in Zomi Innkuan USA kipawlna pan hong muak ungh.

Khua zong hong damta, US gam mun pawl khatbang ah vuuk kia zihziahta-aa, singkung lopate leh leitung mihingte in ii khuahun pen lungdambawl hunnuam leh kumthak in ciamteh in adawn/muak ding-in, amunmun aciangciang ah kiging ziahziah hi. Ei tuipi galkai Zomite tawh a kibangin Zogam ahzong ii mipih sapihte in lungdambawl leh kumthak adawn dingin kisa khengkhang ding hi cih ii thei hi.
 
Khaileh guai, ei tupi galkai Zomite e, hibang hunnuam, lungdambawl leh kumthak hunpha a muak ding, a zang thei dingin ih kiging hiam? Kum khat sung nisim nuntakna ding in nasep silbawlna tawh ii buai mahmah na pan hunnuam khat ngah zawhna ding kisaan dihni. Zosuan Zomite khempeuh in kilemna, kikhualna, kipumkhatna leh lungdamna thute lungngai khawmin kilemna kumpipa muakkhawm dihni.
 
Hibang hun sung ah, adiakdiak in, ei Zomite hong domsang leh thu-um Khazih mite' ading a lungdam huaibel thu ahi kilemna kumpi Topa Zeisu hong suah Lungdambawl leh kumlui nuamtak mangpha khak-aa, anuam kumthak adawn thei ziahziah ding-in, ih biak a nungta Pasian in Zomi khempeuh tungah Thupha hongpia tahen ci-in, ZIUSA kipawl na makai pawl in THU ka ngen uh hi.
 
Zomi mimalkim/milip in, ahong tung ding kumthak, 2015 kum sungah ih Zogam leh Zomite khantohna ding nasep hoih atawm pen khatciat a semzo ding in ih biak a nungta Pasian in mimalkim thupha hong pia tahen. Zomi khempeuh tung ah ih Topa Zeisu tawh kipawl Lungdamna Thupha namkim leh Kumthak Thuphate hong tung tahen ci-in, ZIUSA kipawl na pan "Lungdambawl leh Kumthak THUPHA" kong puak uh hi.
 
Kumthak sungaa kipan Zomite ki-it in mainawt Ni!
 
Executive Committee
Zomi Innkuan USA, Inc.
 
Tang’in;
 
Pa Thang Tul Mung
Vice President
 
Fort Worth, Texas.
December 23, 2014
 


Comments

01/14/2017 04:14

Very interesting and useful blog and through your blog you tell us how we write the blog I think write the blog is not bad idea but its not very easy but those are interested in this they must try these all tips that are give in this blog.

Reply



Leave a Reply