WWW.TUNGZANGNEWS.COM

 
TZN: Tedim Khuapi ah Topa' Ompihna Thuphate

Pasian in Ih Zogam Tedim khuapi  pen nidang pek akipanin a ompih mahmahna leh  Zogam bup aitangin sathau a nilhnate en khawmto in Ih phawk pak teng a nuai abangin hong gelh suk hi. 

TOPA PASIAN OMPIHNA A KILATNATE:

1. 1910  in American Missionary Dr. Joseph Herbert Cope te nupa Zogam hong tungin Zomi te’ lai hong bawlsak hi. 
2. 1913 in CopeTopa in Zomi te adingin deihsakna tawh  lai hongbawlsak  hi.
3. 1939 in Zomi Pasian nasemte hong pantah dingin Rev.F.  Nelson topa te nupa Tedim  hong tungin 1947 pan 1950 ciang Laisiangtho sang hong pankhia uh hi. Tulaitak in Zomite sungah Sangmang te zom a ineihi zahtak Pasian nasem masate hong pattah sak uh hi. Amaute sungah adam laite: Rev.Dr.Kam
Khaw Thang; Rev.Dr.Go Za Kham ; Rev. Zam Khaw Lian  leh adang pawl khat omlai dingin ka um hi.
4. 1973 in Rev.Dr.Hau Lian Kham in Tedim khuapi pan kipan in lungdamna thu tangkona hong nei-in, Crusdae bawlna ah thubulphuh: Topan’ hong maap lo ding hi" cih thubulphuh in nei hi.
5.  2005 in Rev. David Go Lian Sum i veina le vaihawm siamna le Zogam cidamna ding lunggulhna tawh mipi 3780 in Halleluiah lapi kisa khawm a, alamdang mahmah thu hi in, itna le nasepkhop nopna lungsim hong pokhia tuam mahmah hi.
6.  2010 in Cope topa Tedim hong tun zawh kum 100 cin pawipi Zomi bup huam (level) in thupitak kibawl a, leitungbup Zomi te kipawlkhop theihna ding ahi GZA lungsim hong piang khia hi.
7. 2013 in Zomi khangno khempeuh  ading geelna deuh tawh Singapore Zomi Innkuante vaihawm siamna tungtawn in Zosuan Tuailai
khawmpi , Tedim ah thupi takin kibawl a, khangnote lungsim sungah kipumkhatna hong piang tuam mahmah hi.
8. 2014 March kha sungin anih veina Global Zomi Alliance(GZA) pawipi kibawl a, Tedim khuapi thupha ngah nading leh  Tedim khuapi ah Taih inn thak atawmpen 500 a om baihna dingin pulaakna leh thunget khopna kinei ziahziah hi.
9. 2014 Dec kha sungin Leitungbup a Lasa minthang mahmah ahi Planet Shakers te Rev.Go Za Nang vaihawm siamna tawh hong pai thei in
lamet ngamloh thute hong piang ta hi.
10. 2014 Dec kha sung mah in Nelson topa tanu te  Lungdamkohna pawipi asimdingin Tedim khuapi ah Rev. Thawng Khan Cin vaihawm siamna tawh hong pha thei leuleu ahih manin lungdamna kizom toto hi.

THUKHUPNA LEH LUNGGULHNA:

Nidangin Tedim khuapi ah kumpi ulian te bek akidawn ziahziah lam  i za ngei a, ahi zongin tu- in Pasian sathaunilh te akidawn ziahziah nate i zak leh imuh ciangin khuahun khat hong kilamdang mahmah ta hi cih kimu thei hi. Hih bang nasemna pen hong bawl Pasian alungdam mahmah ding ahih manin i gam
hong cidam mahmah ta dingin I um ciat  hi. Khangtangthu nilhna 7:14: " A gam uh ka damsak ding Topan’ ci hi ( I will heal their land). Leitung ah natna lauhuai penpen taksa pumpi natna hi masa lo in lungsim natna na hizaw den ahih manin  i lungsim hong cidam peuh leh i taksa zong hong dam pah lel ding hi. Mailam ah Tedim khuapi bek hilo in, adang khuapi tuamtuam ah zong hibang mah in  Zomi bup etteh theihding thu hoih tuamtuam apian theih
na dingin inn leh gam a om Zomi khempeuh in thungen in Topa maipha zong ciat ni.

I phawk khak pak teng a nuai a bangin kong gelh hi a, adang aphawk khate in behlap theih hi. 


By: Rev.Pau Khan Khai
Southern Baptist Theological Seminary.
Louisville, Kentucky,USA.
&
Pastor-Zomi Christian Church,Louisville
&
Pastor-Bethel Zomi Baptist Church,Kalaymyo.

 


Comments

03/01/2017 09:30

Such kind of articles are the mean for us to get information of different matters that is really very hard and tough for us to do. The overall work is amazing and the task is really appreciable so i would also share it with others for the sake of knowledge for them.

Reply



Leave a Reply