WWW.TUNGZANGNEWS.COM

 
A (6 ) VEINA ZOSIAM NASEPNA LAWHCING MAHMAH :

Dear Zomi ulehnau teng,

Akua mapeuh thungetsakna tawh  Zosiam Gopsel Medical nasepna tu in kum 6 hongcing to ta in Topan gahhoih nono akum kum in hong muhsak manin Topa tungah lungdamna  lianpi iko a, thungetna leh  panpihna  hongnei khempeuh te tungah lungdamna lianpi kongko masa nuam hi.

ZOSIAM TUP LEH NGIMNA:

 Zogam leh Kawlgam khuaneu khuata te ah Siavuan Siamah te tawh kithuah in Kha leh taksa damna  puak ding. 

ZOSIAM NASEPSA TE:

Tuni ciang  kum 6 sungin Zosiam nasepna sungah pumpi tawh  akihel mi 42 pha ta hi. Siavuan 14 , Siamah 7 , Sitni 1 leh adang Pasian nasem lasa siam te tawh  cihbangin  akigawm nasepna hi a, khua leh pawlpi  deidan omhetlo in  Pasian leh  imite itna lainatna tawh amapang den Zosiam  ahihi.

A  6 VEINA  ZOSIAM SUNGAH AKIHEL THEI TENG:

1. Rev. Pau Khan Khai

2. Pau Lun Min Thang

3. Kam Suan Mung

4. Sk Gin Khan Pau

5. Rev. Lo Kap Tung Nung

6. Dr. Cing Zeel Niang

7. Dr. Cin Hen Thang

8. Dr. Thawng Sian Sawn Khai

9.Peter Pau Za Khai

10. Thang Khan Sang

11.Siamah  Cing Van Kim

12. Siamah Cing Lam Dim

13. Siamah Suan Lam Ciin

14.Lasa Cing Lian Niang

15. Lasa Cing Don Zam

16. Video- Vungh Za Khup

17. Cing Don Niang

18. Shalom Khai.

MAWTAW ZATTE:

Pa Kam Suan Mung leh Pa Shalom Khai te in amau mawtaw hoih mahmah te  asathau bek thun in hongpaisak uh hi.

CENTER TE NEIHNA:

Suangzang Center  leh Heilei Center hi in  Jan 12-16 ,2015 sung ahihi.

Kalaymyo ah  Jan 18 ni in nai thum sung kibawl kik hi.

CINA BAWL ZAH:

Tutung in  hih atunga Center nih ah cina mi 2000 kibawl a, Kalaymyo ah cina mi 200 kibawl in agawm in  cina mi 2200 tungah damna thupha kipuak khinta hi.

ZOSIAM NASEPNA  HANGIN AGAH TE:

1. Khadamna angah tampi omhi.

2. Taksa damna ngahna dingin  mi 2200 tungah nahoih kisemhi.

3. Siavuan Siamah te  cidamna tawh kisai  thugenna  nei den hi.

4. Khuasung kipumkhatna ding leh  siangtho nading thu kigen den hi.

5.Pawlpi tuamtuam   ten kipumkhatna nei  uh hi.

6. Kamphen kul lo in cina ten anatna gen thei uhhi.

7.Innphual zang ah Siavuan ten zuan zaw hi.



ZATUI ZAHA SPONSOR TE:

Tutung in Suang zang khuami gamdang om teng leh Heilei khuami gamdang om teng in  zatuizaha manding akisam teng hongsik uh a, akhua atui uh tungah itna leh lainatna  lak uh hi. Lungdamna lian mahmah hi.

A 7 VEINA  ZOSIAM VAIDING GENBEHNA:

 A 7 veina Zosiam  trip ding tawh kisai in  anuai abangin thungetna kinei hi.

Ani ding: Dec 11-18,2015 sung hi ding hi.

Amun ding : Suangsang / Ngalbual leh   Tuipi hiding hi .

Thungetna ah phawk ciat ni. 

Cina mi 2000 peuhmah  tungah damna thupha puakdingin  kilunggulh hi.



MAILAM AH   AKIHEL NUAM TE  :

Zosiam Gospel Medical nasep pen  Zomi bup nasep ding hia, akua mapeuh akihel thei ahihi.  Thungetna, Sum leh paai   , tha leh ngal tawh akihel nuam khempeuh te adingin   kongpi kihong den hi.

Lungdamna leh lunggulhna tawh,

Rev.Pau Khan Khai

Zosiam Gospel Medical Ministry.

 


Comments

09/10/2016 12:36

You can get a lot of information and knowledge about different topics from this page. Because here i always see a lot of information and knowledge about different topics. I shall be very happy if you act upon my advice and i am sure you will get many benefits from here.

Reply



Leave a Reply