WWW.TUNGZANGNEWS.COM

 
Minam Mawhpuak or Mimal Mawhpuak

Minampih Zomi Sanggamte,

Minam sung-ah naakpi-a ka' lunggulh kalsuanzia hongsung nuam-ing:

Zomite-pen Israel te-tawh kisuun-in ngawngkhauh mahmah, kohkang (stubborn) mahmah hang-a, gen-tawh akingahnam kihi lo-hi, ahizong-in aveite-in gengen lelding-pen amawhpuak leh asuahtaakna ahihziak-in hong khutthak zeel-ing.

"Minam Mawhpuak or Mimal Mawhpuak" khensiam nading thupi-hi. Minam Mawhpuak ka'cih ciang-in mimal-tawh kisailo cihbang hilo-in, kalsuanna-ah ataangpi minam minsel kipawlna, biakna minsel kipawlte cihte ahuam-a genna hi-a, mimal tampi akizom khawm-a mapanna ahihi.

Mimal mawhpuak-pen innkuan, nupa, nuts pata, lokuan singpuak cbt hikha dinghi. Biakinnte-ah kihilh saamding ahihman-in nusia pakni!

Minam or Kipawlna Mawhpuak cihciang-in kipawlna khat min-tawh phuutding, sepding, geelding, kalsuanding masuante agen hi-a, kipawlna aminpuak-tawh kizuui leh atup-angiimna (statement of purpose) tungtawn-in mapanna kidang diimdiam laai-hi. Gentehna-in, GZA-pen biaknalam paulam-a akiphut ahihman-in Zogam lam-ah biakna-tawh kisai thumaanlo-a hong kibawlna a-omleh GZA Executive Committee-in diahdiah lo-in delhpah, bawhpah, vaanveng pahding apaizia maan ahihi. Kiukna lamsang ahihleh ZCD Executive Committee, etc., Lailam ahihleh ZOLUS, music-lam ahihleh ZOMUS, ngeinalam ahihleh ZOCUS, Social Issue vaanveng nading ZYA leh khua tuamtuam-a Social Organisation te, dogaal omleh ZRA, ZIA, ZDA.... cihbang-in amau' lamzing ciat-ah hongpanding thumaan ahihi. 

Hih department tuamtuamte-pen Centre for Zomi National Council-ah kigawm ding-a, amau' masuan ciat pan-a asepna-uh, asepsawm-uh thute sungkhawm ciatciat dinghi. ZOCUS leh ZOMUS-in gentehna-in amau' masuan tuak baan-ah "Sepkhoptheih bangteng om????" ci-a geelkhawm laaiding, tuamahbang-in adangte-zong..... Tutadih I' paizia-pen nupi nau aneih ciang-a aniik apuan azepzo nawnlo, akipheengphah ziahzuah, nauzun-hiam ama' zun hizaw-hiam akithei nawnlo dinmun-ah ki-om-hi. Democratic kiukna-bel kilamen bilbel-a, ataktak-in hihbang dinmun-tawh I-kalsuan zopsuakleh saltaanna masa/omsa sang-a akhauhzaw saltaanna-in I' maai-ah hongngak gige-hi.

Hihte gensiatna hilo-in, scrutiny, analysis, findings, prediction ahihi. Upthu leh uplohthu hilo-hi, apiang, akizom toto paizia tungtawn-a akilangh maailam limlehteel ahihi. Department om khempeuh-in amau' masuan-ah pang khollo ningneng-a, department khatleh-khat intimate relationship cihthadah political, organisational leh communal relationship nangawn muhtheih omlo, themcik akici-kha omleh nuak, heh, ki-el ., hihbang-tawh Zogam paalluun hak mahmah laaiding muhsa ahihi.

Tua ahihman-in mipil misiam ulian tampi I-neihte'n kipumphatding bekbek hong lunggulhkei henla, bangmahtheilo ei mipite acidam geelna leh mapanna lam-ah hong kalsuanpihding lunggulhna lian-hi.

Zomi Pasian' Thupha!

Zokhai 

***********************************************                                  

T. Zokhai          ITNA-IN GUABANG HINNA-HI        
60 Narr-Maen Drive                                                            
Croydon Hills VIC 3136         
Melbourne, AU                   
Tel: +61 39723 0460                                      
Mob: +61 420 800 560                          

 

 


Comments

H.Dalkhenkhai
03/06/2015 05:52

Na thupi gelh thupi sa mah mah ing ei,adag zawng hawng gelh zeal o.

Reply

I'm thinking to buy a ticket and go for tour into Miami and i think this is the most great place to visit. You're talking about Minam but i am talking about miami. Will be there soon.

Reply



Leave a Reply