WWW.TUNGZANGNEWS.COM

 
"Tedim" cih kammal' sukkhaak (The Disastrous Effect):

Mipihte,

Kampau-thei khempeuh phial-in "Zomi, Zomi,...." ci phangphang saam hang-a, ahizong-in 1962 kum-a kipian hong kisaatnim dikdek khuaknimna' lawhsia ziak-in paukam (language) hitaleh minam vaai hitaleh adam theilo guhnatna lianpi-in naakpi-in zungthuuk kha-a, zunglot pakding haksa mahmah dinmun-ah a catch 22 acihbang-in I-minam tangciak cip-hi.

Tedim-tawh kizom kipawlna ahihkeileh mapanna khempeuh-ah Kawl Gamukte-hiam Vaai Gamukte-hiam kihtaakna ahihkeileh maai-etna ahihkeileh phalna ngahlohding launa-ziak khatpeuhpeuh hiambel theikhang Tiddim cih kammal nana zangh uh-a, Zopau-ah tuabang kammal limlim a-omlo ahihlam ngaihsut-in neilo-uh, bangciang siattutna omthei, bangciang lawh-thei cihte peuhmah muhkholhna anei ngiatlo kumpi naseem ulian neih sunsunte' khutma kimu-hi.

Zomi cihcih kawm-in "thankiik-in saaipi' khaguh balkhap sawm" acih thuciin bang-in Zomi-pen Chin State buppi ahuam lungsim-tawh penglam pawlkhat-in ma hongpanpih leuleu-a, tua lungsim ziak-in Tedim Lai Siangtho/Labu-pen "Zomi cihding hilo, Zomi cih-in Laimi, Laizo ahuam ahihteh Tedim ci-ni" cih-tawh Tedim cihding kipsak uh-a, Tiddim ci sese laai uhhi, bangzah-in laainat-huai cih anuai-ah ensuk in:

Kumpi naseem ahihkeileh Kawlgam Kiukna sung-a ulian lubawk neihsunte-in,

"Zomi cihteh Chin cihna hi-a, Tedim cihteh Tedim Khuapiseh leh Tonzaang Khuapiseh-a pau kitheithei khempeuh hihang-a, Zo, Siyang, Teizaang, Dim ...... hihang" cise-hi. Tua ahihman-in Zopau, Zolai hilo TedimpauTedimlai ci uhhi.

Hih guú (poison)-pen damdam-in hong kizelh-a, 

·  "Ei' haam-pen Tedimpau hi-sih"

·  "Siyangkam sese Tedimpau hi-ngawl"

cih lungsim-in tua Tedim hong vaatsuk ahihman-in Lai Siangtho leh Labu-pen Siyangkam leh Zohaam-tawh hong kikheenkhia ahihi.
Zolai/Zopau ci lo-in Tedim ci-a hongki pattahkhial man-in hihbang dinmun hileh

·  "Keupau-belpen Tedimpau hi o-ing"

·  "Ko' paubel Tedimpau hikeivaak"

·  "Ko' paubel Tedimpau hikiak"

Cihte nangawn-in hong zomzom theiding dinmun ahihi.
Kigawmna (Unity)-pen athu-in agengen-uh hang-in "Tedimpau/lai" aci valval denkeeite-pen kikhenna(division) lungsim asungtawng-ah nungta-a ahong po-khia cihna ahihi.
Zopau, Zolai (kei mimal' khiatna-ah) cihciang-in Tedimpau cihna hilo-in, Zomi namkee tuamtuamte' awsuah kidang diimdiamteng ahuamkhawm paukam (language) ahihi. Pawlkhatte-in 'paukam' cih lamdang sakha dinghi. Kampau-pen speaking (a word that comes out of your mouth) cihna ahihteh language-pen literature lamsang-a apiicing kammal ding-in paukam hong pulaak ka-hihi. 
Khangthak khempeuh-in I' pate' khialhna pumgup lo-in (langpang-a paampaihding cihna hilo), paukam leh lai lamsang I' concept themcik khangkhaan hamtangding hihang. A-uut teng-in Tedimpau acici zong-in nang leh kei-in Zopau, Zolai, Zomi, Zogam mah ci ngiatngiatding hihang. Tua nangawn eite' khang-ah mual I-suahding/suahlohding kigen thei naailo-hi. Tedim lam-ah I-ki naak-hei luatleh ahihkeileh tua lam-ah I-kipiak luatleh veenglehpaam nangawn I-khahsuah (khitsa) khahsuah thuahthuah laaiding hihang.
Zomi, Zogam, Zolai, Zola, Zolaam, Zongeina alaamsaang ding leh atawisaang ding-in I' pate kipan naailo, kipan ngei loding-hi. Nang leh Kei diangkhia-in eima' khe tung-ah dingkip-in, mah sah lah khedap suahkhia-in, Postmodernism khedap bulh-in naakpi thasaanding hihang. 
"Aphual-ah, amun-ah hongpai/ciah pahve...." cihcihte khuak neilote' kampau ahihi. Nang na' omnana-pen Zomi phungvuh nading aphual hipah-hi. Israel te-in aminam apuah hun-in gamdang vive-ah om uh-a, siamsinna naakpi-in sin-uh, pil-uh, siam-uh, hau-uh, tua takteh agam-uh a-etzia muiibunh thei-hi. Ciakciakbek kei-ni, ei'n I-lap keileh tate siamsinna lam-ah tawsawn ni. I-tawsawn tantan nangawn deihciang hongtung zolo khalaai dinghi. 
Zolai, Zopau, Zola, Zongeina theisak ni. Hilhni. Atheizawte hilhsak ni. Ei' tapkual-a I-phawk kiukiau-khawng Zongeina avekpi sa pahpah kei-ni. I' zaak ngeilohte Zomi-tawh akisailo sa pahpah kei-ni. Nang leh kei-in I' ngeina I-kep lohsa-in kua'n hong kepsak laaizang loding-hi. Haanciam gamgam-a I-tawsawn nangawn hong nengniam-nuam aphualphual-ah omlaai dinghi. 
Zomi it mahteh, minam khual mahteh. Gahkhia sak in. "It ing" cihcih sang-in na' itna-pen Zopau, Zolai, Zola, Zongeina phungvuhna-tawh lak in. "It mahmah-ing, ahizong-in Zolai, Zopau, Zola thupi sakeng,..." cih tepawl khuakcinglo, mibanglo (abnormal) mite' zialehtong ahihi. Nang leh kei peuhmah tuabang hilo hihang -- acidam kingkeng, athahaat gipgep, apil sitset vive hihang. Kua kihta laaizongding I-hihiam?
"Thahaat inla, haangsan in". Zomi-aw!

Zomi Pasian' Thupha!

Zokhai

***********************************************                                  

T. Zokhai          ITNA-IN GUABANG HINNA-HI        
60 Narr-Maen Drive                                                            
Croydon Hills VIC 3136         
Melbourne, AU                   
Tel: +61 39723 0460                                      
Mob: +61 420 800 560                          

***********************************************

 


Comments

We were taught in our school life that being different is good but when we become grown-ups, we make ourselves the uniform thinkers. This is because we doesn’t want criticism on our new thoughts. As we grow older, we lost something important in our personalities.

Reply



Leave a Reply