WWW.TUNGZANGNEWS.COM

 
   Thumatai

                  Zomi Zogam it taktak man in khuaul sisan luang a
nasemte, gilkial dangtak a nasemte, I gamit man in Thongsung nagawna
omte le hong pusuak khinte, Tuipi galpan in Zogam galet lainat manin
sumtawh azun le azun sawm lailaite, Zomi Zogam mailam ding luvai liang
samkaang liang a thungaihsunte, Laiat siamte, Lasiamte, Khutsiam
Khesiamte, Zogam cingngait a gamdang paizolote le a painuamlote,
mizawng mihau, mipil misaim, tualniam,tuallai, le tualsangte, Zomi
Zogam itluat man in cihnang theilo internet a phunphunte le thungetna
tawh apang mi khempeuh in I gam I minam a ding in nasep khawp theihna
lampi khat hong om ding hita a tua in Kumpi mangpa in gambup kiteelna
(general election)kinei kikding hi cih; chairman of union election
committee te kamciam hong piakhin ahih teh2015  November khasung a
kitelna omthei ding a hihman in tu a kipan Zomi mailam ding ngaihsut
hunk ha 5 kician bek ngah hihang. Zomi Zogam mailam nang leh kei
khutsung ah hong kinga in I vaipuak ahi hi.

               2010-15 Chin State kumpite leh a panmun uh

1.       Hung Ngai (Chief Minister )
2.       Hau Khen Kham (Speaker)
3.       Ohn Lwin (Deputy Speaker)
4.        Zaw Min Oo(Minister of Security and Border Affairs)
5.       Nang Za Mung (Minister of Finance and Revenue)
6.      Van Thawng(Minister of Agriculture and Livestock Breeding)
7.      Kyaw Ngein(Minister of Forestry and Mines)
8.       Ram Mang(Minister of Planning and Economics)
9.      Ngun San Aung(Minister of Transport)
10.      Neng Naing(Minister of Development Affairs)
11.       Ba Maung(Minister of Social Affairs)
12.      Cin Lian Pau(Minister of Electric Power and Industry)

Hih a tung a makaite lakpan Zomi minsel teng enpak ni.

1.Cin Lian Pau -( Zo) ( USDP) (Minister of Electric Power and Industry)
2.Hau khen Kham- Zo ( USDP) (Speaker)
3.Nang Za Mung-Laipian ( USDP) (Minister of Finance and Revenue)

              Hih atung a 123 te in bang sem taktak uh hiam cih lung
ngai taktak dih ni, a dangte pen Zogam Zomi hong ne tum nuam vive uh
hi. 2010 pan panmun honglet uh hang sum netum bek hilel uh hi, USDP
party pan a kahtote hi uh in, Zomite langpangte hi uh hi. 914 Zomi I
dingkhiat ciang hong huatna uh khang semsem a, tuate khutsung a, omte
ei Zomite I hihi. Kum5 sungtak Zogam Zolei khangto kei ci in Internet
sung nagawn ah I kitawt lawh pen a masa in ei Votepiakte akikhial
khitban ah hihteng thum in I budget a nektum ban vuah Simte, Tedimte
ci a hong khentuam mahmah uh a, a nungzui Zonote internet leh mun
khempeuh Pan zong Zomite hong langbawl hong ko un, kumpite kiang
nagawn ah kamin uh hong guksak ci a hongkhia dente a hi uh hi. Tua
banah Chin State Chief Minister Hung Ngai pen Buddhist hi a,Chin State
Kumpi thuzek sungah a mipil pen a kigen ahi Dr.Ba Maung zong Buddhist
extremist a hihman un I gampen hong itlo un summet bawlna bek in
hongzat sak ziau uh hi. Gth:Chin Sate in District thak khat ngah thei
hi ci news ah hong suahsak uh ciang, Saklam khanglam kikawmna a
baihban ah milip tampenna Tedim in ngah teitei ding a kilawmpen Hakha
te kiangah Chin State kumpi kici Zomi hong langpangte in na pia ziau
lel uh hi.

          Mipi teelcing
Chin State ah tulaitak party 6 om in 1-3na ciang pen tualsuak Partite
hi uh aa, 4-6na ciangpen mikhual partite a hi uh hi.
1. Zomi Congress for Democracy- ZCD
2. Chin National Progressive Party- CNDP
3. Chin Progressive Party- CPP
4. National League for Democracy- NLD
5. Union  Solidarity and Development Party-USDP
6. National Unity Party- NUP
                    Member of Parliament leh Chin State kumpi ding in
hih a tung aparty 6te in nang mun leh nang vote a ngah nang un lampi
tuamtuam zui in hong zol ding uh hi. Chin State Kumpi sem dingin
Township khatpan mi nih(2)ta mipi telkhiat ding hi aa, a vekun
gawmleng 18 hong pha ding hi.Tua mun 18 lakah a thahat leh mipi
tampiak penpen in Chin State Kumpi hongsem ding uh hi.

Mualmi Partite tawh Holimna leh a muhdan uh honkhat

            2014 November kha pan Zomi Student and Youth Organization
mintawh gamvaisaina lam ah Pu Pau kim Tuang deihsakna tawh Malamyiang
leh Measot ah kava zinna a hizong in 2015 ZCD mintawh Pu Gin Kam Lian
deihsakna tawh  Mandalay le Panglong ah kazinna ah mualmi khangno le
makai tampi tawh gamvaisaina thu hoih tampi ka kikum khawm a,amau a
minam minsel uh amau party mah uh bangbang hi leh mee piaksawm tek uh
hi.Mualmi Partite mitkeuhta un  gamthu leh minam munlakna a tangzaizaw
in nasep theihnang (national politic) tawh kalsuan sawm tekta uh hi.
Tulaitak a gualzo USDP party(ruling party)leh NLD(opposition party)te
kuaman me paksawm lo uh hi. Gtn: 2015 Union Day in SNLD ten NLD te
makai a Union Day bawl ding phal hetlo uh hi: Mipite in NLD amuangzawk
lailai khak ding lau mahmah uh hi.
          NLD le Aung San Suu Kyi

              I gam mipite le Zomite  gengen NLD le Aung San Suu Kyi
vai tomno khat genpak dih ni. NLD leh ZCD pen UNA ban ah amua tegel
cikmah hun in kitai sanlo ci in minthang liang hi. Democratic partite
pan kiit phadiak cihthu I zakzak a hihi. NLD in A gualzo Ruling Party
hong hi zenzen le ZCD in a saseh tang lua peuhmah ding hi.A hizong in
tuasang thupi zaw khat ah ZCD in Chin State Kumpi ngah le a saseh lian
zaw tham hi, tua dingpen nang le kei khut sung ah om a hihman in ZCD
pan MP I telcing kisam mahmah ding hi. Thukhat leuleu ah ASSK pen 2008
thukhampi in hencip in tuciang dong suakta zo nailo a hihman in NLD
Ruling Party a hihding genkholh theih omlo ban ah Election pen Free
and Fair khatvei zong hingei lo hi. Tua ahihman in I saseh neu Zogam
ah Kumpi Zomi itten sep photphot pen I kal masa hizaw hi.

                  Chin Sate saklam Unau thumte miphazah

Tedim87389s+Tonzang+21262s+Cikha -11139s=119789s
Hakha 48266s+Thanthlang 50363s=98629s
Falam 41,395s+Rih -6622s =48,017s
Hakha leh Falam gawm =98629+48016=146645-119789=26856

                 Chin State Mipha Zah

Hakha=98629+Falam167806+Mindat 212255=478690s
478690s pen Party6te hawmsak leng 478690s/6=79781.7

              Theih ding, Kumpite Zomi Ziya Vuankyi pen munih ah hong
honsak a hihman in, 914 Zomi pen 100000s val cihna hi in, 914 Zomi
khempeuh in ZCD mee pia leng Chin State Kumpi hong sem zo phial ding
uh hi. A dangteng pen 914 Zomi hong dodo hong koko teng a hihman in
Meepiak huai hetlo hi.A beisa 2010 kitelpi in ZCD in Meekuang luilo a
hihman in a diakdiak in Zomi hi ci deidan lo in  USDP pan  1.Cin lian
Pau-Zo(USDP-Minister of ElectricPower and Industry) 2.Hau khen
Kham-Zo-(USDP-Speaker)
3.Nang Za Mung-Laipian ( USDP) (Minister of Finance and Revenue)
telcing hang a, I gam I lei leh I minam sung ah phatttuamna khatzong
hong bawl hetlo uh hi, Tedim leh Tonzang ah zong Tui leh Mei kicing in
zong hong vaihawm sak zolo uh hi. India Kumpi in Rural Development cih
thulu tawh huhna hongpia uh aa, USDP te Meesuaina in a mau piakdan in
hongzang mawkmawk uh hi. Khuata honkhat ah bel Sanginn kilam thak hi.
Abeisa kumnga leh tulaitak dinmun akilamdang hiam?

ZCD Zomiten telcing keileng supna

                   914 Zomi tawh a ding khawm Zomi minsel khat bekbek
I neih ZCD Zomiten telcing kei leng bangteng kisum ding hiam enpak ni
(a) Kawlgam Vaisaina ah Zomi itte kihel khalo ding, MP in Zomi itte
khat zong kihel kei leh Zogampen Summet bawlna ciang in hongzang bek
ding uh (b) A dang partite telcing in MP hong ngah phial zongh igam
iminam sungah thukin haksatna(emergency case) om leh thakhat thu
thudotna leh thusunna(question&proposal) nei thei pahlo uh hi; gambup
amau party zumpi ah kizasak phot ding; khensatna piate(CEC) teng kikum
phot ding;gambup(union level) thupiang khempeuhah koi masak ding kikum
khit uh teh khensatna(decision making) piathei pan ding uh a, tua khit
the hluttaw meeting ah MP pawl in thusung thei pan ding uh a hihman in
I Imergency casete pen Hot Issue thupiangthak in hong vuaknelh sak
ding. Mikiangah to va kaikai kul ahihi. Iminam party hileh tua bang
hilo ei teng kikumsuk; manlangtak Nay Pyi Taw kitunsuk theipahpah
ahihi. Tu a I phunphun mah hong bang lel ding a hihman in I supna
lianpi a hihi. Tua bek zong vai olno tak tawh kiman pah banah ideih
khat kingen thei zaw hi.(c) Zogam ah Kumpi Galkap a hilo Thautawite
Zomite kihawl khia nuam mahmah a, a 1vei a 2veina Zosuan Tawilai
Khawmpi pan tangkona kinei a bangmah kilam dang cih thadah hong let
semsem uh hi, hihpen thutawh hi in, Thagum tawh I hawl khiat zawhnai
keileh zong, ZCD pan MP telcing leng, I Lunggulhnate Kumpi te kiang
Direct in kipuak ki tawsawn thei zaw hi.(d) Mi namdangten 914 Zomite
MP zong cinglo kei uh ei hong ci in hong nuihsan ding uh hi.(e) Saklam
Zomiten ZOLLS ten deihsakna tawh Tedim ah Lai honghilh ding in hongpai
uh aa, Chin State Kumpi Zomi langpangten hong hawlkhiat sak ziau un,
Zomiten I gam I lei ah thu kinei hetlo cih kitel hi, ZCD pan Zomi itte
Chin State Kumpi in telcing peuh mah leng nuamtak in lai hong hilh
thei mahmah ding uh hi. fghi etc tam mahmah lai hi.

              Thukhupna

                    I gam, I lei, I minam, I innkuan, sungah Zomi itte
thuvai hawmsak ding in nang le kei liangko tungah vaipuakna hong kinga
hi. I gam I lei ah Mikhua Party te in bangbang in hongzol zong in,
vaipuakna le a telding pen Zomite khutsung ah thuneihna om a hihman in
tukum kitelna ah Zomiten Imai lam ding khat khensat ni.Phunphunna leh
ki gen siatsiatna te nusia in, midangte I itsang I Zomi mah itin pom
in nungtak pihciat leng, Zogam Paallun nang kalkhat a suan I hihi.
Pasian in Zomite I lamet ngamloh thupha hongpia a, tua thupha izek
ding a hihi, Pasian in Isrealte it mahmah a, thupha pia in a sepding
te Isrealte sem uh hi. I khutsung ah thupha om a, I sep ding hunta hi.
GZA Makai pipa Dr. Enno in Zosuan Tuailai Khawmpi ah a thugen in,1.
Tualniam( Migen siasiate le Mi personal tawh buaite) 2. Tuallai(
Thupiang event tawh buaibuaite) 3. Tualsang ( Mailam thu ding tawh
buaite) ci hi. Zomite Tualsang te  I hihman in I mailam ding ngaihsun
ni.

Zomi in ka piang;
Zomi in ka nungta;
Zomi in ka si ding.

Laigelh
Cin Lian Khai; yangon (5/18/2015)




__._,_.___
 


Comments

Really, i appreciate the effort you made to share the post. The topic here i found was really effective to the topic which i was researching for a long time.

Reply

Modern political affairs tends to be troubled with a lot of equipment that fell...the Commonwealth with the intention of they turn into an imperative (even then not dominant) piece of hair in affairs of state. In the 16thC the main challenging...

Reply

in actuality, i be grateful for the endeavor you made on the way to divide the post. The topic at this point i set up was in actuality effective to the issue which i was research for a elongated time.

Reply

People used to surmise that training is just a method for landing a decent position and great life however they actually don't recognize what to pick from every one of these lessons and their instruction as well. They simply take it as a reason to make great salary and that is it.

Reply
03/03/2017 00:08

This exceptional site gives great personal satisfaction and furthermore advance wellbeing and prosperity of elderly individuals. Life can be effortlessly clarified in Essay composing of many sorts and delightful pictures are making this blog more astounding.

Reply
06/10/2017 03:37

I could grasp the whole article. in fact, i be appreciative for the attempt you made while in transit to partition the post.

Reply



Leave a Reply