WWW.TUNGZANGNEWS.COM

 
Picture
Tedim ah meeting om cih thu kiza sawn
Tedim khuapi ah Rev. Nang Lyan Kap (President of Tedim Christian Fellowship) makaihna tawh October 4,2015 ni-in Tedim khuapi sung a om biakna pawlpite leh kipawlna tuamtuamte pan makai 30 val samin Timothy Bibel School ah Tedim khuapi sung khantohna ding a nuai abang in kikupna thupitak nei uh hi.

(1) Anti-Drugs: Tedim khuapi sungah kham theih zatui kizuak thak om ahih manin, bangci bangin khaktan leh dalcip ding?
(2) Anti Corruptions: Chin State kumpi zumpi lam pan khantohna ading project hong kipiate sung pan 50% zong tawh kisemlo ahih manin, bang cih ding? I gamah nekguk / simtatna lian lua ahih manin bangci do/ suksiat ding?
(3) Media & Journalism: Tedim gam thanem mahmah ahih manin bangci bangin maban kekbeh thei ding?
(4) 2015 General Election: Kiteelna tawh kisai Tedim khuapi sungah party tuamtuamte' thute kitheilo/ kiteello lua ahih manin, Party kim pan makaite mun khat ah sam khawmin thugenna nei sak ding?
(5) Sihna /Dahna vai: Tedim khuapi sungah sihna / dahnate ah supna, baina kibehlap lua in, Sagawh zulup tam lua mahmah ahih manin bangci in puahpha thei ding?
(6) Cycle zatzia: Kum cinglo cycle hawl leh zukham kawm Cycle hawl tam lua ahih manin bang cih ding?
(7) Television vai:  Tedim khuapi sungah TV tawh kisai abeisa hun lai a kingah ngeisacMyawaddy le MRTV te tun kingah nawnlo in, thuthak (News update) kingah zolo lua ahih manin bang cih ding? cih thute nasiatak kikupna nei in, a paikhawm mipite Rev. Nang Lyan Kap in Cocacola tawh zindona nei cih kiza hi.
 
Source: Tedim Post
Edited & Posted: Tongsan Media Group


Source: tongsan.org
 


Comments

05/26/2016 06:41

We can see that members of that meeting are not active because they looking lazy and using mobile phones. These things are the not allowed in meetings to take some good decisions according to experts.

Reply



Leave a Reply