WWW.TUNGZANGNEWS.COM

 
TZN - Zogam(Chin State) Matupi Township sung ah,March 10,2012 a kibawl biaknalam pawipi khat ah tuakhua a munla kawlgalkap te in subuai-in nawngkaisak cih thu leh( Ethnic National Development Party-Chin State)te (Chin State Member of Parliament)pa khat zong thau tawh kaplut sawm in ataigawpna thu te leh Zogam (Chin State) ah tuni  ciang dong mah biaknalam ahizong in,mun tampi ah kinenniamna/kizawhthawk bawl leh kibawlsiatna nam tuamtuam te abeih theih nailo a kinam khenna te aomlai nathu te (Chin Human Rights Organization)te'n genkhia uh ahih nathu ahi hi.

Zogam(Chin State) leitaw nitumnalam a om Matupi Township,Sabawnget khua ah,March 8-13 dong akibawl (Mara Evangelical Church)te'n kumsim abawl den uh khawmpi a thupiang khat hi a,Pawi akipatkhit March10,ciang Zogam (Chin State)sung a phualsat a om Kawl Galkap te in,thakhat thu in zanlam Service te bawlloh nading,leh thudang khaktatna  thu tuamtuam te khautak thupiakna(Order)neih uh ahih manin,tua khawmpi a hongpai ( Chin State Member Of Parliament) khat ahi Pu Van Cin in galkap athuneih Bo(Captain)pa kiang ah avagen ciang,tua Bopa in taigawp leh vuah asawm lai ban ah athau tawh zong alutang nim'in kaplupsawm a adawi nathu te Pu Van Cin in VOA te kiang ah,gen khia ci uh hi.

Pu Van Cin in agen kizom in,Mizoram State,Saiha pan kumsim pawipi ah gamgi kipek gam khat leh khat kihawh/kikawm theih ngei den hinapi'n tutung pawipi a hongpai ngeiden ih sanggam saiha lamte i Motor te hawlkhia pah in,Pawikham a hongpai mitampi te list(Guest Registration)te bawl nang(Command)piapak zong ci-in gen uh hi.Zanlam hun saupi zatlo nading pan zattheihloh nading ciang dong agen ciang,mipite adahna uh bek thamlo,lungkiatna leh apatauh sak nate hang
in mipi te'n kei kiang hong genuh ciang,athupia Galkap Bo(Captain)pa Myo Min Htike kiang ah vapai-in,Pawi kipatma hileh phadawm lai,tun apawi alang ciang mankhinta ahih manin,mipi teding hong ngaihsutsak nading kavagen leh nang kua nahiam?Bangmi bangsa bang Parliament cihkhawng zanuam vet keng! Hong kaplum ding kahi hi,ci'n athau tawh hong kap sawm takpi hi ci'n agen kiza in tua nizan mah in,State MP.Pu Van Cin in,(Ministry of  Security and Border Affairs)pa kiang ah Telephone pan in kakhia pah hi ci'n Pu Van Cin in gen bek lai ahi hi.

Biaknalam tawh kisai hibang khaktatna,leh kinamkhen na kinenniamna thu te in tubek hilo in,Zogam(Chin State)ah abei theih nailo leh atawntung a kiphukha lai ding thu ahih na,(Chin Human Rights Organization)te Director Salai Za Uk Ling in zong gen lai hi.Aban zom a agen lai thu in,Ih Kawlgam sung lam tuamtuam pan akikhel tei hang in,Biaknalam ah tuhun ciang dong suahtatak' a sep theih nading lam sang ah,akilamdanna leh akhantona mel kimutheih tuan peuhmah nailo hi.

Zogam (Chin State)bup sung ah,90% te pen Pasian thuzui(Khristian)ahih nate hang,hibang khawmpi pawite akibawl hun simin bawl theih nading(Permit)te hong pia ngei khol nuamloh uh ahih ban ah,nawngkai theih nading ta bawl in hong buaisak theih zel zawlai uh hi,ci hi.Biakinn te leh biakna lam inn(Building)lam theih nading,asiate puahphat a lamthak kik theihna ding,nidang hun a aphallo uh thu te tun zong bangmah kilamdan nate leh akhantona mel omtuanlo in kibang lai veve ahihna thu zong gen bek lai hi ci uh hi.

Zogam ah (Chin Human Rights Organization)te'n nasep akipat khit uh leh ciaptehna aneih khit zawh uh kum 17hong phata cih uh in,tukum sung ciang ihgam sung teng a galkap(Camp)omna munte tawh akinaihna akiim'apaam a khua omteng ah,mipi akua mapeuh,kivua kisat leh kibawlsia den in,zawhthawh thu tawh nasem a sawlna(Force Labour)te leh mipite man in,vanpua a sawlna (Porter)kuan nate leh kisimmawh bawl a kinuainet nopna te zong galkap te omna mun khatpeuh ah,hibang buaihna tuamtuam te kiphukha den lai leh,abei nailoh nathu te zong tua(CHRO)kipawlna makai Salai Za Uk Ling in gen khia lai hi.

Kawlgam sung ah hibang a,mikhat i ngahding a kilawm Human Rights lam te thukhunna te palsatna leh thusim bawllonate in gam ki-ukna thukhun/thumeilet te zuihlona te gamkiukna kician nailo a hong neumuh ei Mualtung mi(Ethnic group)te ah piang zawdeuh ahih nathu te Kawlgamsung leh gampu lam aom mikibawlsia te aencih den(Human Rights Watch) kipawlna te(HRW) in, phuangkhia uh hi ci'n gen uh hi. Tua te ban ah,Jan 12,2012 ni Sengam leitawlam kawlgam gamgi(Border Line)tawh akipek Yunan State pan Sen lokhomi (Chinese Farmer)khat gamgi kheng a kawlgam galkap nih in ava kaplup nathu akithuneih nading thu Sen(Chinese Minister of Foreign Affairs)pan Kawlgam kumpi te kiang angetna thu te uh,om khinsa ahih na hang zong ci uh ahi hi.

TZN - Source : Chinland Guardian
Translated: Pa Kham Khan Suan(Tongsan Translator)
 


Comments




Leave a Reply

    Tungzang News

    All