WWW.TUNGZANGNEWS.COM

 
India gam nisuahna lamah huih le guah kithuah (Monsoon) hangin abeisa June 25,2012 ni akipan mun tampi ah tuikhang / tuilet nate hangin July 2,2012 ni ciangciang mi 80 val sikhin-in, mihing 2000000 val bang inn le lo nei loin, cihmawh dongtuak uh cih BBC tungtawn in kiza hi. A diakdiak in Assam State sung a om gunpi minthang khat ahi Brahmaputra gunpi tuikhang lua in letkhia ahih manin, khuabup khat bang tui-in tumcip in, tuipi nuai-ah kivuknelh ta ci hi.

Tuikhanna hang a dongtuakte ahuh dingin India galkapte athuang athuang in akisapna bangbang ah panmun nasem ziahziah uh cih kiza hi. Assam State sungah khuapi lian nihna Zomite' zinsuk zintohna khat ahi Gawahati khuapi sung bangah tuiletna hangin, khuazangbuppi phial annek tuidawn cimawhin cina le sungpai tawh zatui zaha kisam mahmah cih thu Major RN Nair in thukante tungah gen hi.


Tua bang a tuipi umcipna sung a om haksatna tuakte Vanleng (Helicopter) tung pan nektawm ding Anphelte kikhiat hi.  India Prime Minister Manmohan Singh in tuikhanna phual va en a, abeisa le tukum 2/3 sung teng ading India gamah a nasiapen tuikhanna hi dingin India Prime Minister Manmohan Singh in gen hi. Hih tuikhanna hangin, dongtuak kepna phualpi (Refugee Camp ) ah mihing Teng 500,000 bang om ta cih Refugee Camp vaisai te in gen uh hi. Tua bang a dongtuakte ading akikhin kawikawi Zato (Clicnic) te kihonsak in, Siavuan (Doctors) kicingtak in kikoihsak a, tui pan kilawhthei natna apianlohna ding hanciam mahmah cih kiza hi.

Tua banah adiakdiak in Cinghpi le ganhing khawina (Zoo) minthang khat ahi Assam Kaziranga (National Park) nangawn tui-in tum
khin ahih manin, asung a kikhawi ganhing namkimte zong mualsang lamah kikhin uh zong ci hi. Leitung ah a minthang zo ahi Assam Niangteh ( Assam Tea) , kungte zong kumdang sangin tukum guah tawm lua ahih manin, gamdang zuakna (Export) ah tampi kiam/ supna om ding cih aki-upmawh laitak in, upmawhlopi guah thakhat hong tam pak ahihna lamdang kisa mahmah hi.


Source: VOA News
Translated:Kham Khan Suan (Tongsan Translator)

 


Comments




Leave a Reply

    Tungzang News

    All