WWW.TUNGZANGNEWS.COM

 
I theihsa le i zaksa mah bangin India gam, Imphal khuapi ah Zomi Thongkia i sanggamte tawh kisai Pu Kham Min Thang (Tongsan Reporter of New Delhi, India) tungtawn in anuai abang in thuthak kiza kik hi. A kigensa bangin March 14,2012 ni-in Court nei ding kicisa pen tua ni Imphal thonginn( Jail) pan thukhen zum(Court) nei ding thongkia mi  tam lua ahih manin, motor ngah zolo uh a, tuani in kahthei lo/ thusitna kinei thei lo uh hi. March 19, ni in a vekpi un (Court) kah thei uh bek tham loin, Pasian in i thungetnate hong dawngin athu (Case) uh a veeng/ bei ding hita hi.

Amau pen gamdang mi hihna (Kawlgam) Foreign Case tawh kiman hi a, India thunei te' phalna om loin India gam huam sung alutkhakna tawh kiman ahi uh hi. Tua manin mihing khat India sum Rs. Rs. 700 -1500 kikal kumpi in liausak ding cih kiza hi. Ahi zongin State Home Department pan in lai kisam lai om ahih manin tua lai a tun' zawh hunhun in suakta taktak ding dinmun ah om ta uh hi. State Home Department or Central Department te in amau Tamu khua lamah puak ding uh a, Kawlgam le India gamgi ah gamnih thukimna tawh piaktuahna ( Ap na) kinei ding cih kiza hi.

Tu leh tu-in zong, thongpan kilakhia thei ding dinmun hi mah leh gamdang mi (foreigner) ahih manun, koihna ding om tuanlo a, Thong sungah kikoih lai bek hi lel hi. Bangbang le Zomite i ki-itna hangin alungdam khat peuh i om ciangin, kilungdampih le a dah/ a lunggim khat i om ciangin Thungetna le kipanpih theihna lampi ciatah i mapannate hangin Pasian in gualzawhna le suahtakna hong musak ahih manin, Zomi laizom khempeuh tungah Tongsan Media Group pan lungdamna i pulak hi.

A suakta i sanggamte khempeuh zong innkuanpih zi le tate tawh kimu in , inn lum lo lum a tung hamtang ding Topan hong makaihsak hen. Tua banah adiakdiak in hih thusia vaiah a buaipih Manipur lam a om min kilothei lo i sanggamte le thuthak a kan den Pu Kham Min Thang (Tongsan Reporters,India) tungah Pasian in thupha na pia hen.


Sia Min Thang ( Tongsan Reporter of India)
New Delhi
 


Comments




Leave a Reply

    Tungzang News

    All