WWW.TUNGZANGNEWS.COM

 


India gam Manipur State sung a om Zomite sungah Khangno kipawlna masa khat ahi Young Paite Association (YPA) kiphuhkhiat zawh Kum 75 cinna (YPA Diamond Jubilee) pawipi pen hong tung ding March 2013 ciangin YPA General Headquarter makaihna tawh Lamka khuapi ah thupitak bawl ding cih thu kiza hi. Tua Diamond Jubilee pawipi sungah Laphuah kidemna zong kinei dinga, laphuah zia ding tawh kisai YPA Diamond Jubilee Music Sub-Committee in a nuai a bangin zuih ding Thukhun kiciantak bawl hi.

- Laphuah ding a namte :

1. Category Khatna: LAPAWL (Choir).,

2. Category Nihna: Khattang lasak (Solo).,

-A thu le lamal zatzia dingte:

1. Gospel, Gam ngaihla, YPA thubulphuh (Motto) tawh kituak ding, khamtheih toh kisai, lunglen (or) Zawlla leh tulai i gam leh nam sungah i veii / angtanna/ lungdamna i neihte genkhiatna cihte kihel ding hi.

2. Kidemtu peuhmah khatna akipan thumna tan kipahman piak ahi dia, khatna te Jubilee Album a tuansak ahi ding.

3. Laphuakte in a laphuah pen (Tonic Solfa tawh thuah ) leh Audio/ Voice record tawh pia ding hi. Audio pen Studio a recording sese kisam loin, Mobile phone a khum zong kisang ding hi.

4. Laphuak nuamte in hih tangko ni akipan August 2012 bei ciang kiphuak / kisang ding hi.

-Lamal /Voice record piak theihna ding munte:

(1) Laizom Musika, Tedim Road,

(2) Kimbawi Panshop, New Lamka, Opp. Dorcas Hall (3) Mawii Dawr, Bungmual.,

(3) Mundang , gamdang le khuapi mun tuamtuam a omte in: Email: pumkhua@gmail.com This e-mail address is being protected from spambots. You need JavaScript enabled to view it tungah puakzia ding a thukician kidong thei ding cih kiza hi.

Manipur, Zomite sungah YPA bek hi loin, a nung lam ciang a kiphuahkik Zomi Youth Association (ZYA) zong nei uh hi. Kawlgam lam a om Zomite in zong Zomite' khuapi khat ahi Kawlpi bulphuh in abeisa 2005 kumin Zomi Youth Association (ZYA) mah nei uh a, minam sungah Sisan piakna (Bloob Donation), Damlo huihdik kisamte huih(Oxygen) piakna, le damlo a lamsam/ dongtuakte ZYA Motor tawh puaksak cih bangin nasem uh hi. Hih bangin Zomite sungah i neih Zomi Khangno Kipawlna (ZYA) te kipawlkhopna/ kizopna a neih theih ding thupi mahmah ding cih mipi lam pan lunggulhna lianpi kinei cih kiza hi.

Source by : Hornbill News

Reported by: Tongsan Media Group

 


Comments




Leave a Reply

    Tungzang News

    All