WWW.TUNGZANGNEWS.COM

 
(TZN) - Sagaing Province Kalaymyo a kumpi thusai te kiang pan Kalaymyo vanleeng tual(Air Port)behlap sawm ahih manin, Pinlong quarter sung a om inn 165 tak, Taungphila khua ah kituah sak ahih nathu kiza ahi hi. Khua sung upa hausa te'n ama uh tawh akiunau le aki meltheih te tungah,ainnmun logam man a apiakkik uh liausum te akicing le hoihtakin pia kik uh hinapi'n mi pawl khat te'n hoihtakin,ngahlo uh cih kiza ahi hi.Thuneih thusai te'n inn khat i apulam tengbek azaina adung avai tekin,daithaw/huan uumna pen ki mangngilh bawl cit ciat uh in teklo uh ahih nathu
te zong gen hi.

Kumpi te kiang pan 80' by 60' feet apha leitang(Innmun)te piak asawm nathu te uh,akizak masak tei hangin,thusai Ulian te'n apiak kik tak ciang' 60' by 40'feet apha innmun bek,innkuan khat a ding in apiak nathu uh Kalaymyo ateng mikhatin gen hi. Kumpi thuneihte gen na ah, Innkuan khat a dingin, inn kician khat ta ngahkik theihding ci uh ahih manin,abeisa hun a innkhat sang atamzaw aneite nangawn ciang a dingin, innkhat ai bek ngahkik uh ci hi. Inn mun thak apiakna ahi Taungphila khua ah Pinlong quarter panin 2012 kum bul lamin kikhin khia sak uh hi.

Hih Kalaymyo vanleeng tual golkek/kibehlap nading Project pi pen Air Bagan Airline Company neihpa U Tay Za i gelna inn le lo ,mun le mual lamna/sepna munte ah,ahih naleh amah mahin lamkaih in a asep khiat ahih nate zong kiza ahi hi. Tu a thu tawh kisai mipi te lam pan a lungkimlo nate Chin Progressive Party pan Pu No Than Kap le A.K.A John Khaw Kim Thang Chairman pa tung ah laikhia uh ahi hi.A thu bul pan in,Zomi(Chin)te ciang apiak-kik uh sumte adang te sang in tawmzaw ahih nathu le tua bang a asep nate uh thuneih ulian te'n atheihlo kineih uh hi ci'n zong gen uh hi.

Pinlong quarter Chairman ahi Mr.Pa Mang in akituahsak innkuan te sazian te bawlsak in akisapna tawh kizui in manzaihna ciaptehna(Record)bawlsak ahi hi. Tua hun Taungphila akituah ma 2009 kum hi a Kumpi thuneih te'n thu apiak khit hun mah ahih nathu te zong kiza hi.

Source: Khonunthung News
Translated: Pa Kham Khan Suan (Tongsan Translator)

 


Comments

Information for travelers on flights, parking, ground transportation and services. Also includes directions, weather, maps, and employment and press information.

Reply



Leave a Reply

    Tungzang News

    All