WWW.TUNGZANGNEWS.COM

 
Dear Sanggamte, A beisa kum teng pen tan 10 laivuan kitelna pen June kha nipi nihna pawl hi den a, nipi ni tawh kituak den zaw hi ta leh tukum pen tuni, June 9,2012 (saturday) ni ah laisuang khia ta uh hi. Zingsang tungpan kipan sundong mah a en kipai ziahziah a, ong sazian pen a beisa kumte sangin kiam zaw lai ahih manin mi tampite'n lai kiatna hangin dahna tuak uh hi.

Mun tampi ka na kan man nai loh uhhangin tusun sunga theih pak teng a kihawm sawn i hi ding hi. A tangpi thu-in cileng ei mau mi lam diakte a leh a khauhpai deuh bawda pawlkhat te hi ding hi.



I. CIIMNUAI BOARDING HOME:-

Laiphi (sazianpia) = 190
Lai Ong = 116
3 D = Mi 6
2 D = Mi 6
1 D = Mi 14
Percentage = 61.05 %

II. T.E.C (Top Education Centre) RTC veeng, Bogyoke Street.

Laiphi = 24
Lai Ong = 12
Percentage = 50 %

III. St.John Bosco (RTC veeng, Bogyoke lampi)
Percentage = 38 % Ong.

IV. Golden Triangle (Tahan)
Mi 28 in Ong. ( Laiphi zah leh percentage kigen lo).
2 D = Mi 1
1 D = Mi 15

V. Shwe Taung Pann (Paangpi veeng)
2 D = 1 & lai ong dang pawlkhat om.

VI. Aa Hmann Boarding Home (Kalaymyo)
5 D = Mi 3
4 D = Mi 4
(Mi tampi mah in ong, a percen kigen lo).

VII. Nyi Tha (Phunggyite' Bawda, Kalaymyo)
A percentage kigen nai lo, results pen hoih to den kici.

Hih Boarding panin tukum All D ngah numei khat om hi. Tua lo 5, 4 cihte zong om hi. Ma Cho Thet Wine (SahKah-126) = 6 D (All Distinction) ngah a, Kawlpi khuksung a laiphi sung-ah, all D ngah a mahbek hih tuak hi.

Hih a tunga teng pen kiallap Kawlpi dinmun i theihpakna hi bek a, Zomite' phuatsa bawda tampi mahom lai hi. Ahizongin Ciimnuai leh T.E.C pen kumsimin Passed Results a hoih pen denin kigen a, lungdampih leh i angtanpih mahmah hi.

Ciimnuai Siapi'pa, Sia Kung Mung tawh tawmvei ka kihona uh ah, i sang pen a beisa kum sangin Distinction hong kiam zaw mawk ei. Mi hong lutnuamte lah va kham ding lem sam lo a, a lut nuam peuhpeuh a kisang ahi hi. Nyi Tha leh sang pawlkhatte bang in ahih uh leh sangkah ma-in entrance exam neisak uh a, tua a ongteng bek mah sang lutsak pan uh hi. Tua manin lai ong banah D ngah a tamna bang pen tua hang hipi pen hi, cih hong gen hi.

NB: Atunga te sungah theihkhialh khawng a om a, a maan zaw leh a kicing zaw a theite kizasak ni. A dangdangte zong kipuak ciat ni, cih tawh hiteng a kizasak pak hi ni.

(Lai ong khempeuh i lungdampih a, laikia khempeuh zong i thuakpih hi. Nu-le-pa, u-le-nau te in thapiak dan siam ding kisam mahmah hi. A kiate zong mawhsiat pah ding hi lo a, thapiak siam ding kisam mahmah hi, cih deihsak thu i kigen nuam hi).

Omna ciatah Topa' thupha ci ni.

Deihsak Thupuak,
Peter Khampu.
Kalaymyo

 


Comments




Leave a Reply

    Tungzang News

    All