WWW.TUNGZANGNEWS.COM

 


Sagaing Division, Kawlpi pan Zogam, Tedim, Tonzang, Cikha lam zin ding motor te Khaikam khua a Toll Gate le Lei zatman piakna ah Gate nasemte in thuman loin sumdong uh ahih manin, Tedim khuanu khuapate in July 2,2012 ni-in, Zogam Chief Minister Pu Hung Ngai tungah lungkimlohna lai khak uh cih kiza hi. A taktak in tua gate/ lampi sap akila pen Khaikam khua pan Tai 22 agamlatna Taingen khua kikal ading bek hi-in, Gate nasemte in Tai 140 agamla Khaikam -Taingen -Hakha lam ading ngen mawk uh ahih manin, thuman loin nasem uh ci-in Tedim khua a Motor nei khatin RFA Media te tungah pulak hi.

Tedim khua Motor neite in agenna ah, " Khaikam khua pan Taingen kikal ading bek ka piak ding uh kim lai, Hakha lam ading sum hong ngen mawk hi. Ko paina ding pen Tedim lam ding hi-in, Tedim pan khatvei mah lasap/ gate sap ka piak kik veve ding uh hi " ci in gen hi. Tedim le Kawlpi kikal pen tai 57 bek kigamla ahi hi. Tedim le Hakha paina lampi pen Taingen pan Ziat lam ( right) le Vei lam (Left), atuam tuakin kikhen khia pah ahi hi. Khaikam Toll Gate pen abeisa April 22,2012 ni akipan in Kawl kumpite in leisap/ lampi sap sudonna ding cih ngimna tawh abawl uh hi-in, May 12,2012 ni-in honna kinei hi.

Tua hi-in, Kawlpi pan Zogam-Tedim khuapi lam zuan azin Motorte nidang hunin Antang ipkhat puakman Ks. 800 /- bek kipia a, tu'n Ks. 1500/- dong hong khanto uh ahih manin Tedim,Tonzang,Cikha le Rih khuadar teng dongah vanman hong khang mahmah mawk ahihna thute hangin Zogam Chief Minister tungah lai kipia ahi hi ci-in, Tedim khua a Motor nei pa khatin gen hi. Zogam Chief Minister le adang Minister te'n tua thu tawh kisai limtak hong kansakna ding le Toll Gate te ah Contractor te pia in, Zomi sungah duhhop huaihamnate abeina ding amanlang in thubawlna (Action) aneihna ding deihna tawh Chief Minister tungah lai kipia ahihna thute gen hi. Tua bek tham loin, lampi sap / Leisapte amun mantak a piaksakna ding zong thupi mahmah cih thute genbeh hi.

Source: Chin World Media
Translated: Kham Khan Suan(Tongsan Translator)

 


Comments




Leave a Reply

    Tungzang News

    All