WWW.TUNGZANGNEWS.COM

 
Sagaing Division, Kawlpi le Tamu kikal ah abeisa July 29, 2012 ni (1:00AM) hunin Kawlpi Palik phualpi (Kalay Police Station) pan Palik mangpi U Ti Ha makaihna tawh Pseudoephedrine chemical kihel ding a upmawh Kawlgam sum Ks. 869,250,000/- kim man ding khamtheih zatang 5795000 pen Tamu–Kalay mawtaw lamziikpi tung Siadaw Oo khuaneu kiangah 2 kha/9155 Hino TE Mawtaw tung pan kimankhia cih thu kiza hi.

Palikte in Mawtaw akhawlsak in thu apiak ciangin, Mawtaw hawl pa leh Mawtaw nungzuite pen taimang pahin suakta uh hi. Motor tungah Khamtheih zatuite akizon ciangin sik singkuang 11 mukhia uh ci hi. Kawlpi Palik zum (Police station) atun uh ciangin, tua sik singkuangte en cian (check) uh aa kham thei guih theih pua ahih lam kithei hi. Tua amuh khiat uh van pen Kawlpi khua gei Ciangtaih khuano hausa pa U Min Shew in Mawtaw hawl pa van ahihna kician tetti letmat (sign) sak cih kiza hi.

Tamu Check gate pen palik ten akizom in thu akanna uh tawh kituak in tua 2kha/9155 Heno TE Mawtaw pen bangmah van guang lo in nitak nai 12:30 kiim in Kalay khuapi lam ma nawh in hawl hi cih, thu kan dan in aki thei hi aa, Mawtaw hawl Ko Tan Naing (kha) Nai U ( Kum 38) pen Tamu khuapi sung ah man khin in Mawtaw nung zui Ko So Nai pen suakta laitak ahih thu zong kiza hi.

Hih thu piang hang in Mawtaw hawl pa leh anung zui te Palik zum ( Police station ) pan in Khamtheih guih theih leh lungsim khuak ki khel sak zatui te akhaam thu khun Law article 15/16(kha)/ 19(kah)/21 te tawh Kalay khuapi thukhen zum ah mah zah/( pah)64 pan thu kisit hi cih thu Chin World Media pan kizasawn hi.


Thupuak: Timothy Naulak

Posted By: Tongsan Media Group

 


Comments




Leave a Reply

    Tungzang News

    All