WWW.TUNGZANGNEWS.COM

 
Picture
TZN: Mizoram, Teikhang khua ateng (Pu En Kho Pau )tapa Pa Neng Suan Lian ( Kum 28) le alawmte mi 5 tawh gam sungah Thangsiah( Thangkaam) dingin gam sung akuanna uh ah tukha March 27,2012 nitak lam nai (3) hun pawlin a lawmte Thau pua khat aThau tukpihna pan kipeel khain Pa Neng Suan Lian i dippi kha lianin aphual zang mahah sipah cih kiza hi. 

A thu pian’ dan ahih leh: Pa Neng Suan Lian pen, a lawm te  mi (5) ding tawh, thaang kam ding leh thaangsiah dingin, Tekhang khua pan, Kawlbel gam lam nanawh in, pai uh a, gam lak a tun ciangun,  a lawm pa khat in, lampaam sik khial in, tuk suk a, a delh na lam in, a lawm pa thau pen, kisaii mawk in, a dim kha pah hi. Tua pan in, khuaphawk nawnlo in, a mun ah, si pah hi.

A sih ciangin, Tengkhai khua ah,  alawm te in, si ko in, Teng khang khua tangval nu leh pa mi (600) val bangin, va dawn in, a luang va pua uh hi.
Pa Neng Suan Lian pen, Haiciin khuami hi a, a beisa kum 2/3 lai apat, nuntakna haksat hang in Mizogam Teikhang khua ah, a zi a ta te tawh, va lall(peem) ahi uh hi. A sih phet in, Haiciin khua a, a tanau te kizasak pah a, azanzan in, delh pah uh hi.A pat tung lai in, bang hang a, si hiam, cih thu, kilung hi mawh mahmah a, ahi zongi, kam siat huai tak in, a si kha ahih lam, a kitheih a pat in, Haiciim khua aom, u leh nau te kilung muang pan hi.

A si cih, a kizak phet in, a zi zong, sibup in, tu ciang dong march 30th ni tan, khuaphawk mah leh tangzo nai lo hi dan in, thu kiza hi. A luang pen, Haiiciin ah, pua ding acih hangun, a zi lah, khua phawk lo, a ta te lah, nau nen mahmah ban ah, nau pang mi (5) tak pha ahih man, Teikhang khua thunei te in, Teikhang khuamah ah, vui dingin, khen sat in, 28th , March,2012 ni in, vui uh hi.

Zogam khuano pawl khat ah, hih bangin, tuahsiatna kumsim in, om den a, a tam zaw pen, amau leh amau kikap kha tam den pen hi. A khua phawk zonai lo, a nutsiat a zi Nu- Khawl Khen Niang (26yrs) pen, dam a, a ta te hong kep kik theih na dingin, Zom  akua mapeuh in, thu ngetna ah, phawk sak ciat ni.


TZN: Source: Sia Min Thang, Tongsan


 


Comments




Leave a Reply

    Tungzang News

    All