WWW.TUNGZANGNEWS.COM

 
Picture
Leitung ah Mualsuang Lian Pen
Zomite teenna mun khat ahi Mizoram State, Champhai District sung Champhai pan leilu lam km. 70 a gamlatna Lungphunlian khuamual ah leitung ah Mualsuang lian penpen kiphut cih kiza hi. Tua khua mualsuang pen asanna (high) lam 14'10 ft,a vailam (large) 12' ft ,a sahna 2 ft sahin, lei sunga kiphum athuk lam 5' ft thukin kiphum suk hilai hi. Hih Mualsuang (MUALSUANG LIAN PEN) banah a apam deuh leilu lam ah akizom lianin mualsuang lian (4) kigual phei lai-in om a, lim kisuai leh Lai kigelh et ding bel tam lua lo ci hi.

Lungphunlian khua pan a a gamla pen Mual kiphut khatah bel 1912 kum akiphut khat leh khedap khap lim a kikhuak om a. Manding Sap in hih lai mun aphak lai hun phawkna dinga aphuh sak hi ci-in khuami thuciamtehna pan kigen hi. Manding Suang (MANDING LUNG)ci-in tua khua mite'n tu dongin gen uh hi. Manding Bu/Mang (MANDING SAP) i cih pen British galkap Bu/Mang khat hi-in gen uh hi. Tua Mualsuang kiphut lakah a lian pen man (photo) kimuthei a, adang 3 te bel MIZO Pi le Pute khan ma a Mi namdang te'n a phuh uh hi ci in kigen hi. Hih Mualsuang lian mahmah pen, Historical monument manpha tak khat a kimukhia hi bek tham loin,l hih Suangpi min kitaamsak in Lungphun Lian khua min kiphuak cih thu i sanggam Mizote thukizakna " Zofate Chanchinthar " in genkhia hi.

Source: Zofate Chachinthar


 


Comments




Leave a Reply

    Tungzang News

    All