WWW.TUNGZANGNEWS.COM

 
11th June : Zan ni zing lam nai 9:30 in Silchar Airport ah HPC(D) Sangbera faction ah Army Chief ahi Ropuia leh Deputy Army Chief Biaknunga te ki man hi.Thu kiza danin Mizoram Police leh Silchar Police ten Imphal pana hong leeng Silchar Airport a hong tu ding HPC(D) Army Chief Ropuia leh Deputy Army Chief Biaknunga na pang uh hi.Zan ni zing lam nai 9:30 a Silchar hong tun tak ciang un man pah uh hi.Zan nipi ni nitak lamin Aizawl tunpih uh hi.HPC(D) a mat te kiang pan un galthuam man maw man lo cih kithei lo hi.

Thu ki ngah dan in HPC(D) Army makai nihte Headquarter dan pian a a neih uh Hmarkhawlien manawh dingin ki ummawh hi.HPC(D) pen khen nih Sangbera pawl leh Lalhmingthanga Sinate pawl om hi.Tunaia YMA Branch phiat dinga thupia pen Sangbera pawlte ahi uh hi.Amah Sangbera zong Mizoram khua leh tui khat ahi hi.Army Chief leh a tak a nasem zaw Ropuia bel Manipur lam mi ahi hi.Amau pawlin HPC(D) ah pawl hau zaw kici hi.Galvan tawi thei mi 50 pan 60 kikal kiim phak tuak uh hi.

HPC(D) Sangbera pawlte in Central YMA President T Sangkunga in January ni 12, 2012-a Ramhlun Sports Complex-a YMA kumpuan a hawnna ah CYMA Council ii’ thu vaihawm a genkhiat tungin ‘Sinlung Hills Development Council pen Autonomous District Council- ah ki koih kei ken’ cih thu gen in ngawh uh hi. CYMA-in Mizoram leh nam kepbit a sawm dan thei nuam hi. Autonomous District Council a ngetna uh hua ahih leh CYMA in Hmar pen Mizo in ngaihsun lo hi ding hi ci in thusuaksak uh hi.A area sung ua YMA Branch khempeuh phait pah ding leh seal zong CYMA a theh lut dingin thupia hi.Tua banga hih lote a tung uah bang bang a tung zongin HPC(D) in mawhpua lo dingci lai hi.

Hih huhau in HPC Demand area sunga Mizoram Police ten Flag March nei khin uh hi.

Pau Tun Thang

 


Comments




Leave a Reply

    Tungzang News

    All