WWW.TUNGZANGNEWS.COM

 
Leitung ah mipi deihna tawh ki/ukna (Democrecy) gampi khat akiciamteh India te in mai July 2012 sungah President thak kiteelna (election) nei ding uh a, singtang mite’ ading Mizoram State sung pan Zosuan khat ahi National Minorities Commission Vice-Chairman Dr. HT Sangliana, IPS (Retd), Ex-MP President sem thei ding teelcing (Candidator) in kihel cih kiza hi. Congress President Sonia Gandhi in maban a India President teelna ding ah Mr. PA Sangma a deihlohna luatna hangin, India malsuahbial ( North East India) sungah PA Sangma nial theihna ding a vaihawm simsimna pan singtangmi Dr. HT Sangliana deih cih thu kiza ahih manin, Zosuante hamphatna khat in kigen hi.

Lok Sabha Speaker-lui Mr.PA Sangma in Candidates khat dingin abeisa hun khat lai akipan nasiatak kiginna nei-in, amah zahin kiging ding midang om lo zahdong dingin kigen ci hi. Congress Working Committee (CWC) te’n June 5, 2012 ni Meeting ah Presidential election ding tawh kisai Mrs. Sonia Gandhi khutah vaipuak suan uh ahih manin, mi tampi takin Sonia Gandhi mitsuan mahmah uh ci hi.

Tua bang kawmkal ah Zosuan Dr. HT Sangliana in bel Constitutional post (President) dinmun ah malak ding limlim zong a mang zongin man ngei lo ahihna gen hi. Bangbangh ahi zongin President tuh ding ( Candidates) sawlna le muanna tawh vaipuak kipia pen Pasian muanna tawh kipatsaw ahihna thu pulak cih kiza hi. Pu Sangliana pen Singtangmi bek tham loin, Christian biakna sung pan hi-in, Indo-US nuclear deal tawh kisai-in Parliament a ‘vote of confidence’ akipiak hunin a omna party BJP taisan in Congress party ah lut kha ahih manin, tua akipan Gandhi family in pakta mahmah hi’n kigen hi.

Aman Karnataka ah IGP ahih laitak in nasep siam mahmah ahih manin, ama tangthu bulphuh in Kannada feature kici Film 3 bang kibawlkhia hi. Tua hang teng mah tawh hong minthan toto in, North Bangalore pan BJP ticket in MP dingin teel cing (Cadidate) khatin hong om thei ahi hi. Lawm-le-vual ahauh banah India malsuahbial sung a Namneu tuamtuamte’ buaina tawh kisai zong ahunkhop khat lemtuah zo in thei kigen hi. Member of Parliament lui Pu Sangliana in India gamsung a minority community-te’ i maipha le gupna ngah mahmah khatin kigen hi.

BJD chief Naveen Patnaik in bel President thak dingin Mr. PA Sangma mah deih uh ahihna puang khia khin uh hi.A hi zongin NCP President Sharad Pawar in Sangma gup sawmlo ahihna kician khin a, tua kawmin United Progressive Alliance(UPA) candidate pen mah support ding amansa in om ahihna uh zong gen hi. Congress sungah leader tuamtuamte’n a ngaihsutna uh mawk gen ngam lo uh a, a simtham in bel Union Finance Minister Pranab Mukherjee, Vice-President Hamid Ansari, West Bengal Governor Gopalkrishna Gandhi, President lui Mr. APJ Abdul Kalam leh Lok Sabha Speaker Meira Kumar adingin kisehkhen sim uh hi’n kigen hi. Bangbang ahi zongin AICC Chief Sonia Gandhi deihsakna leh angvanna tawh kuate in gualzawlna hong ngah ding hiam cih bil kidawh laitak cih kiza hi. Zosuan pih ahi Dr. HT Sangliana in India President hong ngah peuh mah le bel leitungah a lamdang mahmah hong hi dingin kilamen hi.

Source [ Zogam thupuak]

 


Comments

04/29/2016 06:06

News for Minorities, New for the Races, Asian News, Afro-

American News, News source for People of Color

Reply



Leave a Reply

    Tungzang News

    All