WWW.TUNGZANGNEWS.COM

 
India gam North East sung Mizoram leh Manipur State sung a om Bnei Menashe suan (Mizo Jews) akicite pen tukum 2012 sungin Pasian in Judah minamte ading apiak "Gam Ciam" akici Israel gamah tukum 2012 sungin peem/ ciahta ding cih Northeast News ah kisuah hi. Jeremiah L Hnamte in agenna ah, 'tukum sungin Mizoram pan atawmpen a za asim peuhmah kipai ding hi " ci in gen hi. Abeisa nung kumin zong Bnei Menashe member mihing 7,232 te gam Siangtho /Holy Land (Israel) gamah apaitheihna ding uh Israel kumpi tung pan phalna/sapna kingah khin hi a, India gam a paisan ding uh ciangin vai tuam khat hang tawh kipaithei lo ci hi.

A kigendan in hih Bnei Menashe te peen Israel nam 10 lakpana a mangthang nam khat ahi Manasseh suan le khak hi dingin Israel kumpi le Judah biakna makai Chief Rabbi in gen uh ci hi. Tua hangin Gam Siangtho ah lungnuam takin teeng thei dingin phalna a pia uh ahi hi. Israel Foreign Minister ahi, Avigdor Lieberman leh Absorbtion Minister ahi, Sofa Landver te in India gam North East a teeng nam mangthangte Israel gamah ciahsak/ peem sak ding uh phalna piakhin uh hi. 


Mizo Juda namte' makai khatin agenna ah, 'Bnei Menashe member peuhmah Israel pan apai Rabbi te in Aizawl khuapi Zuangtui Industrial Estate ah Mikveh akici Juda namte Kha tuiphumna nei sak uh a, Judaism Biakna sungah lutna nei sak masa uh ci hi. Tua bek tham loin, tunung deuhin Israel gam pan ong pai Rabbi 4 leh Mizo Rabbi masapa leh a om sun ahi Gurion Sela te in tuni ciang dong Israel gam luttheihna ding nakpitak hong huh lai uhi' ci hi.

Tangthu siamte pawlkhatin agenna ah, Chin-Kuki-Mizo,Manipur leh Mizoram a omte'n  Kristian a suah zawh bek ciangin Israel nam mangthang ahihna thu uh pulak pan u hi. Laisiangtho sunga nidanglai Israelte' nuntakzia leh Chin-Kuki-Mizo te' Kristian a suah ma nuntakzia ah kibatna tampi om khin hi " ci-in kiciamteh uh ci hi. Mizoram United Penticostal Church a pawlpi upa ahi Pu Challianthanga in 1951 kumin, Mizo namte pen Israel te' suan leh khak hi cih Pasian in vision tawh a muhsak thute gen khin ci hi.

Source: Northeast News

Translated and Posted By: Tongsan Media Group

 


Comments




Leave a Reply

    Tungzang News

    All