WWW.TUNGZANGNEWS.COM

 
Zogam, Tedim gam sung khuaneu pawl khatah abeisa April 6,2012 ni in, khuapi guah le huihpi kituah in khauhpai mahmah a, Tedim gamhuam khua 6 valah inn le lo, Sanginnte naksiat mahmah ahih manin, supna tampi piang cih kiza hi. Tua inn le lo kisiatna khuate pen Tuicinlui khua inn (8), Laitui khua ah inn (2)le Ngen Nung khua ah sanginn (2) asikkang khempeuh huih in lengmang, Buan khua-ah sanginn asikkang leh innkhum teng lengmang, Cingpikot ah zong sanginn (3) siagawp, Tedim gam Meitei gun gal lamah Tuithang khua kim khua pawlkhatah sikkanginn (25) bang inntung sikkan khempeuh huihin lenmang a, inn tungteng khempeuh kisia hi. Tua banah Tongsial khua zongah inn pawl khat mah kilimsiat mahmah ci kiza hi. 

Tua bang mahin Zogam leitaw lam Thantlang Tsp. sung Khua 6 zongah April 11,2012 ni-in Huihpi nasia mahmah a, Thangaw khua ah Inn 20, Fanthen khua ah Inn 33, Hriangpi-A ah Roman Catholic biakinn, Baptist Chuch, Hringpi-B ah baptist biakinn tuamtuamte banah adang Baptist biakinn 8 kihel in a vekpi in, Inn 33 kisiacip ci hi. Tua bang a Zogam huihpih khuahpaina hangin Pasian huhna tawh asi, amang leh aliam abai omlo bilbel cih kiza hi. Tedim gamsung ah kumsim Kawl tuibuah pawi hun kuan ciangin khuapi guah le Huihpih kithuah in nunzel hangin, tutung zahin huihpi khuahpai a inn le lo siagawp cih bang om ngei lo ahih manin, tukum a Khuapi guahzuk zia pen lamdangpi khatin kigen hi. Tedim gam le Thantlang gamah huihpi nawkna tawh inn kisia vekpi pen Inn 140 val kisia ci hi. Thukizakna danah, Kawlgam a om UNO Donghu department ahi World Food Program (WFP) te in Thantlang gam a huihpi tuak khuate ah zinkhia in huhna piak sawm uh a, ahi zongin Tedim gam lamah bel thukizakna om nai lo ci hi.

TZN: Source : Chin World Media
Translated : Pa Kham Khan Suan (Tongsan Translator)


 


Comments

Ciin Sawm
04/17/2012 14:36

Thu ngetsak in panpih huai mahmah hi.

Reply
Thangno
04/17/2012 14:38

panpih yak mahmah may ei.

Reply



Leave a Reply