WWW.TUNGZANGNEWS.COM

 
Leitungbup Zomite dip hongkua sak in cimul hongtho sak Pa Dal Khup & Nu Cing pi Han tang thei

Leitungbup Zomi te dip hongkuasak in tano te ading in khuangaih huai mahmah tak in nunmualliamsan Pa Dal Khup & Nu Cingpi te nupa tuni in Malaysia om Zomi te & Kachin te ki pawl khawm in hun limci tak in St. Barnabas  Church biakinn pi dim in khua ngaih lunglen heh nepna lianpi zinglam 10:00am pan ki pan in hun bawl uh hi.



Funeral Sevice Programme
1. Opening Prayer :: Rev, Sia Huam
2. Group Song :: KL lampan
3. Solo :: Sayama Angela.
4. Group Song :: KMCF 
5. Group Song :: Zomi Ebenezer Malaysia Church
6. Sermon :: Rev. Hla Sai


7. Thanks Words :: (A) Innteek lam pan


  • Motor Car taihna hang in liamna baina sih na tawh akidim Pa Khup te inn kuan Zato ah puak ding hong vansak tha tang zungtang sitlo in hong ki peei khia  Pa Pau (Tuipi khua) inn kuan tungah lungdam na lian pi ka nei uh hi.
  • UN zumpi pan in zumvai kisam vai tuamtuam khempeuh hong vansak  a, hong huh hong pan pih ahih man un lungdam na lian pi mah ka nei uh hi.
  • KMCF pan in Pastor R..Mai leh pawlpi mi akua mah khem peuh tung ah lungdam na lian pi kong ko uh hi.
  • Pu Dal Khup leh Nu Cingpi ading in han kuang  leh silh leh teen ding Singlamteh ding hong van sak Ko Moezaw  tung ah zong lungdam kong ko uh hi.
  • Rev.. Hla Sai in zong hih bang in Pasian kam mal tawh heh nep na hong pia ahih man in akituk theilo di lungdam na lian pi ka nei uh hi.
  • ZCF leh MMK, Zomi Ebenerzar Malaysia  church pan in pawlpi te akua mah peuh leh Sia Sang tung ah lungdam na thu ko puak uh hi.
  • Taman Chi Leing Zomi Hom cell pan in ahih thei zah in hong pan pih ahih man in lungdam na thu ko pulak uh hi.
  • Hih bang hun nuam liimcii sak theih vai hong pan pih ZAM Community  upa pi te'n Bus2 , Ngalbual khua USA pan bus2, Pakhup nasep na Pu (Boss) pa Mr  ATiin (Senmi) te in Bus 1, KMCF pan bus 3 akigawm in bus (8) hong vai hawm sak in ma hong pan pih na hih man un lung dam mahmah hi.
  • Zato ah  NuCingpi  kidon hun sung ahi zong, atuam vil vel  in akibawl Ta Ubel Khaipi  ahi zong sun leh zan in acingakeem Zomi Uleh nau te tung ah Lungdam na thu kong ko sawnsawn hi.
  • Tano Khaipi Leh Singno te anu leh apa tang bang in hong kepsak  Nu Huai , Nuzen, Pa Do te tung ah zong ka lung uh dam mahmah hi.
  • Ko te in hi lai pan in Min kong gen khak loh Muntuamtuam, gamtuamtuam pan in  Tano Khaipi leh Singno te ading in Sum paai tam pitawh huh na hong pia te tungah zong lung dam na kong ko sawnsawn pha lai uh hi.Kong genkhialh aom leh mawhna ngaihdam sakna nong piak ding uh kong thum hi. Den Ciang in Hih lai a, hong paiteng in Hanpan ciah teh Sun an nong nek kimsak na ding uh kong zawn sawn hi.

7. Thanks Words :: (B) ZAM pan


  • Amasa in Pawlpi kkeem Pastor R.mai leh pawipi teng tung ah lungdam hong ko masa ing.
  • Ih pu te hun lai in Biakna khatt hi in ki -it in miintang,taangtang phelhawm zah dong in ki ngaihna ki veina, ki na nei hi.
  • Ih pa te khang pan ci ding ih hiam? Pawl tuamtuam thei hang a, Minam khat pau kithei khat pen pawlpi tuamtuam in hong ki mudah sak hong ki khen sak hi.
  • Ih pu te hun lai in ki-itdan kiveidan i khoidan siam mahmah na pin tuhun khang ki siam het loh hi.
  • Eitum tek in hi kisa kha in nopsak hun in ih khuapih, ihmipih, pau kibat pih te ki phawk kha lo hi.
  • Ahi zong in hihbang in tuahsiat hun ciang in ih mipih te pau kibat pihte bek mah pawlvai in ih muh dah mahmah te bekmah tawh ihtukhawm ihkhawl khawm hi.
  • Tua ahih man in Gam gua hah lo in inn gua mah hah a, Eimi kipawlna ah kipawl siam ding hoih mahmah hi. Bang hiam cih ciang in Hih bang mun ihtuak khak teh minam dang te lak ah tat leh heek zia ding hunbawlzia dong ah Ngeina kibang lo ahih man in nuam kisa het loahihi.
  • Tua hih man in tutung Pa Khup leh Nu Cingte tungtang in Etteh hoih lazaw a, Ih minam phungvuh nading ei adam lai ten ngaih sunpha ding hihang, Kipawlna te ah aneu penpen Khua kipawlna in zong Sihhun ciang in thu nei ahihi.
  • Tu In Pa Khup & Nu Cing pi te Zomi kipawlna ah hong kipawl loh hang in ZAM Zum pan in ata no geel ading in vaipuak pan pih na huh na kingetsak ahihi. Tua hih man in Hih hun pi vai tawh kipawl aman siang ciang in Ta no te tawh kisai thu nei ding Usungbeh sung Upate ZAM zum ah Upa te tawh kimuh khawm nuam lai hi hang... Lungdam
8. Misi te tangthu sutna :: Pa Khup Tangthu tomno

Munlai khua ahteeng  Pa Go Lam  Mang leh Nu Ngo Za cing te Tapasal khat neih hi. 13/8/ 1975 piang in 10/4/ 2012 in Pasian kiang ah hong ciah san hi.Pa dal khupen Unau 6 lak ah a3na hi in adang nga teng Nu mei ahihi. 2003 in Malaysia ah nasem ding in pai in 1/1/ 2008 in Nu Cingpi tawh kiteeng hi. Ta Pa peeng Mang Kim Khai (Khaino) & Mang Kim Sing (Singno) neiuh a, 18/4/2012 ni in USA lengding kimlai 10/4/2012 nitak daak 7:30pm Taman Chi Liung  Klang city ah aciah lam un om muan gal tuak ahih man in  tuanitak 9:35  pawl in nun mualliamsan ta hi.



Nu Cing Pi tangthu tomno
Nu Cingpi pen Tedim gam Laibungkhua Pa Thang Khan Nang leh Nu Zam Huai te sung pan Tapasal khat leh ta numei 5 lak ah a3na  in 3/7/ 1978 in piang hi.Amah tan sawn zo in Siamah sem ngei khat hi .2007 in Malaysia hong zin khia in 1/1/2008 in Pa Dalkhup tawh kiteeng uh hi. 25/9/2009 ni in tapeng  Khaino & Singno  nei uh hi.18/4/2012 niin USA leng ding kim lai 10/4/2012 niin  Taman Chi lieng ah  motor in taih in  Klang zatopi ki puak a, 3vei Operation kibawl in kidam zolo ahih man in 13/4/2012 nitak 11;45 in nun mual liam ta hi. 
 
Unau Peeng te
Khaino & Singno. te liam tuak uh a, Khaino pen Anu leh apa ki vui hun in zato om lai a, Sing no ahi leh khut leh khe kitun kawmkawm in amel theih ta nau ten kem in anu leh apa kivui na hun pi ah ki pua lengleng om thei hi.

9. Pa Khup & Nu Cing pi te ading Kipawl khawm thu ngetsakna
10. Closing Hymm..... God be with You
11. Benedition..... Rev Hla Sai.
 
Han ah pai

Si luang pua Motor ben 2, anung zui in Bus 8, Motor 7 tawh Han muallam zuan uh hi. Han ah Rev, Hla Sai in  hun zang in lasakna leh thupha piak vuibawl na hun tom no zang in Nitak lam 1;24 in Han pan in Sih ngal Zomi te leh sih vui nasem te ciah uh hi.

Pawl khat te inn baang nawn lo in ciah suak uh a, Pawl khat te INN teek te tawh ton inn ciah khawm uh hi.



Sihvui nasem Ko Meo Zaw (0169691223) tawh tawm vei ki hona

ZD: Hih sihvui vai nasep na hang in han sat na nathuak kha hiam?
MZ :: Om kei e, Company pan akisam ding teng han kuan leh amun ding geel pah in tuah nasep ding teng akisem hi pah hi.

ZD :: Hih Na sep pen hong kisawl maw? Nang mah uk anasep?
MZ :: Hong kisawl kei, Minam ading thupha bawlna leh Pasian tawh kizopna annai pen nasep ahih man asem hi ing. Khawl sawm zel na pi ing in Pasian tawh kigam la kha leng hoih lo ding aci hi ing.

ZD :: Tua leh tutung Pa Khup & Nu Cing pi Han bang ci bawl sawm na hiam?
MZ :: Ata no te ngaih sutna in leisan ciang ding a, Pa Khup leh Nu Cing pi maan ka tuang sak ding hi.

ZD :: Tua ahih leh Nang sum koipan ngah ding na hiam?
MZ :: Hock Seng Casket Shop ten asum dingteng sik ding ci zo ahih man hi.

Ko Aung Nai (0166383426) tawh tawm vei kihona

ZD :: Hih buaina tawh kisai in  natheihna tawm nong gen thei ding hiam?
AN :: Ngen thei mah ing, Kei pen Pawlpi khangno ah Worship makai khat hi ing. Pa Khup te Nu Cing pi atuah siah hun in angei nai ah kuamah om lo a, ahih hang tua muntawh kigam lualo ah kalawm te khat nasem in  tua in hong ko hi.

ZD :: Amotor neipa min na thei hiam ? 
AN :: Thei kha kei ing in, Khangno lai Ganhing Sia Vuan semkhat hi a, Man lah tai mahmah in amai a, motor khiang tan leh Pa Khup te inn kuan lamkan laitak tawh kituak kha hi. A gei neh leh  Lui guam sung hi a, alang neh leh akhian tan motor taih kha ding ahihi. Nu Cing pen Motor mai ah ki lawn phei in, Pa Khup Pen Motor in tangtak in taih in atung lam ah kilawn to a, akiat suk kik teh motor tung tusuk cihi.

ZD :: Tano te nih e leh?
AN :: Tano te nih pen  alang tuak ah ki lawn tuak ahihi ci.
 
Thukhat om lai hi
Nau pengte (Khaino & Singno) damsiang leh US pai ding maw? Kawlgam ciah ding? cih thu ahihi. Innteek ten aphawk kha zong omthei ding a, ZAM lam tezong innteek te tung ah agen khak loh theih ding in Singapore pan in Pu Hang Khan Lian  sigal in hong pai vangvang hi. Amah teek in a sam kangta hi. Khangno ten ngaihsut phat huai ih Pupi te thukhual zia!!!!!!!!!!.
Reported by ZomiDaily/HauThang


LUNGLAU LOAW TUUN LEH ZUA AW


(1)  
Miinbang pianna Tuun le Zua tawh  
Nunnuam ngabang ka leng khawm aa,
Ginloh sambang khenta zenmaw??????...

(2) 
Khaubang ciahding laambang paak in
Vongeel in haibang hong ngak ung...
Tuun leh Zua Sulhei kik mawh e....

Chorus:
Lung laulo aw, Tuun leh Zua aw,
Siantong ciam Tuangbang tung ci aw...
Siantawh kop lumbang sung vua

(3) 
Sing kawm ah maimit suanleng , 
Tuun leh Zua Meel lah mutuan lo...
Lakmai Luankhi in hongzel e.......

(4) 
Muikhua zinciang Tuun leh Zua tawh  
Nuihciam leel paai bang kipomna...
Laikhun thebang hawm e..... Tuun ngaih..........

TZN: Zomidaily


 


Comments




Leave a Reply