WWW.TUNGZANGNEWS.COM

 
Zogam ah Biakinn le mun tuamtuam ah Pasian biakna cihte akipan Singlamteh phuh/ suan ding abeisa hun khat lai-in, kumpite in hong phallo in Zomi Khristian te sungah suahtaklohna lianpi kiphukha den hi. Tua bang kawmkal pan Pasian in i thungetnate hong dawng to zelin, suahtakna le kipahna hong pia zel ahih manin Pasian min kiphat ta hen.

Siyin Region Baptist Association (SRBA) te' makaihna tawh Zogam , Tedim gam huam ah mualsangpen a i neih ahi  Thuamvum ( Kendedy Peak) mual dawnah abeisa April 17,2012 ni-in Bilatmee (Cement ) tawh kibawl Singlamteh (Cross) lianpi khat kiphut cih kiza hi. Tua laiah Rev. Cin Za Dal ( SRBA-GS) in Singlamteh honna le Apna nei-in, Dr. Dr.Daw Win Sein, Professor , Myitkyina University in thugenna nei hi. Tua banah Sizang gam sung a Pasian nasem Sia/ Siamah khempeuh kihelin, a pai mi vekpi 266 te Moh le Niangtui lim mahmah tawh kivaak cih kiza hi.

 Zogam ah MP khat ahi Pu Zam Cin Pau ( Zozam) CNP-President pen Zinpi in kinei banah thugenna thupitak neisak uh hi.  Tua banah Motor Jeep (2), Dr.Dal Motor, Zozam Motor, Mangkeu Motor @ Motor Cyle (30) val kihelthei in nopci le lungkim huai mahmah cih kiza hi. Tua bek tham loin, Singlamteh pen Yangon pan Steel tawh nasiatak a kibawlsak hi-in, a tungah LST mun Mark. 8:38 kigelh hi. Sum le pai bei khempeuh pen Pa Lian Cin Mang @ Mangkeuh in piakhia ci hi. Khristiante kisaktheihna le i gualzawhna Singlamteh pen Zogam leitang tung ah akizel semsem dingin i biak Pasian in hong makaih suak hen.

TZN: Source : Rev. James Nang Khai, Tongsan

 


Comments




Leave a Reply