WWW.TUNGZANGNEWS.COM

 
(TZNews) ZomiDaily :: Kong it kipawl na makai te aw, Bresih 3.0 te Political Party te in zingciang in lungpho na nei nuam ahih man in KL a zuan lam pi khem peuh pen kikhak sawm ci hi. UNHCR pan UNHCR Security Officer te ngiat in mipi theihding leh zuihding in hong zasakkhin uhhi. Heh pih na tawh hih thu na mipih te khiang ah na gen sawn in. ZomiDaily/KapCin


UNHCR Security Officer tungpan zaksakna

Bersih 3.0  te lungpho na ni 28 April 2012 ni tak nai 1400 pan 1600 tawh kisai in na thei khin ding uh hi.
 
Bersih 3.0 makai te in Malaysia gam athupi zawdeuh na khua te, gamke 29 sung leh khua lian 71 ah bawl sawm uh hi. Kuala Lumpur ah makai te in Dataran Merdeka pen na tel uh hi. A dang pawl khat Lynas a kici te zong Merdeka mah ah kituah ding ci hi. Kumpi thu nei ten phal bang mah pia lo hi ta se leh amakai ten bangbang hi ta leh hisawm veve uhhi.  Hih lungpho na ah mitam pitak kikai khawm ding cih kilam en hi.


 
Kituah na ding mun 5 bang na gel uh a, tua teng in Masjid Jamek (LRT), Pasar Seni (Central Market), Jalan Sultan (China Town) Brickfields ( KL Sentrial) leh National Mosque (Masjid Negara) te hi ding hi.  Lynas te pawl pen KLCC ah kituah ding in Dataran Merdeka lam hong zuan ding uh hi. Dataran Merdeka ah kituah ding te mipi tam thei ding in gel na om ahih man in Lamlak Police te in lampi dung khempeuh ah lam na siangsak ding uh hi.
 
27 April 2012 khit ciang in Check post te kikoih ding hi. Police te zong miman ding in kikoih pah ding hi. Nung Kum Bresih 2.0 te 09 July 2011 mah bang in transport khem peuh a khak tam cih kithei cian nai lo hi. Hih mahta leh lampi pen kigak mahmah ding hi.  City Hall thunei te in thukhun tawh a kituak lo a om khak leh dopbawl lo ding ci in gen khin hi.
 
Hih tawh kisai in Police te in zong a kihel kha te mat leh hen ding in ki ging khol ci hi.

Hi thu dan ih tuah ngei sa ahih man in Zomi te kidop huai hi.

Community Development Unit

 


Comments




Leave a Reply