WWW.TUNGZANGNEWS.COM

 
Picture
India le Myanmar Gamgi Suangphuh Etkikna Kinei ci in thuthang kiza
(TZN) India kumpi-in khuasak lam gamdang kumpite tawh sepkhopna ding leh sumbawl khopna ding a a geel uh vai lianpi te lak a a thupi pen khat ahi, Kaladan Multi Modal Project nuai a India leh Myanmar sumbawl khopna ding Lawngtlai District sunga Zorinpui Land Custom Station munah abeisa April 25, 2012 ni-in gamnih taangmi te’n a munah va en uh hi.

Hih milian makaite Myanmar kumpi taangmi- His Excellency U Zin Yaw, Ambassador of Myanmar to India, Ye Minn Thein, 1st Secretary, Embassy of Myanmar, U Tun Htay, Port Officer, Union of Myanmar, U Kyaw Soe Win, U That Naing, U Zaw Min Thein, U Myint Thein Win leh U Khin Maung Kyaw te hi. India gam kumpi taangmi - Pu Harsh Vardhan Shringla, Jt. Secretary, Ministry of External Affairs, Pu V. Krishna Swamy, Dy. Director, Ministry of Road Transport & Highway, Pu A. K. Sharma, Chief Engineer, Ministry of Road Transport & Highway, Brig. S.P. Rawat, Commander 23 Assam Rifles, Pu D. Bandhopadhyay, Under Secretary, Ministry of DoNER, Pu P.C. Pande, Under Secretary, Ministry of Commerce & Industry, Pu Brojen Thamar, Commissioner Customs, Shillong leh Pi Anima Barnwal, Under Secreatry (BSM-2), Ministry of External Affairs te kihel uh hi.

Hih Gam nih makai taangmite Zorinpui a tun uh ciangin Lawngtlai District DC Pu B. Lalhmingthanga leh Trade & Commerce, PWD, I&PR Department te’n na dawn uh a, Kikhopna hun limci leh tomkim tak nei uh a, Lawngtlai DC in gamnih makaite’ tungah lungdam thu genin, hih Multi Modal Project kigeelna pen Mizo Zomi khempeuhin lungdam uh hi,Mizoram state adingin mualsuang lian khat hi ci hi.

Myanmar Ambassador U Zin Yaw in hih Project in gam nih kikal-ah sanmggam khat hih na leh sumbawlna hoih, khantohna a hih banah a diakin Mizogam leh gamgi dunga Myanmar khua te adingin tampi tak - Pilna ding Lai simna, Cidamna leh khantohna tuamtuamah nakpi takin phattuampih ding hi. India kumpi-in a sep ding ciang Lampi sial pen saupi ma atutmanin lungdam thu genin phat a, a gamsunga a sep dinguh Tembawl khawlna mun Sittwe Port apuah phat banah Lampi a sial ding te kum nih sunga zawhsian a sawm thugen hi.

India kumpi taangmi Ministry of External Affairs Jt. Secretary Pu Harsh Vardhan Shringla in zong thugen a, Gam nih makai gamgi a kimukhawm pen na thupi lawhcinna hong tun ding cih kilang sak a, hih Project pen a sawtloin kizo siang dinga tua banah Myanmar lam sep ding a kiseh sa te ah zong India kumpi in huh den ding hi ung ci hi. Zorinpui a phakna hang uh pulakin Land Custom Station mun leh gam puah nading, kep/cin nading leh thudang kisap khempeuh ettoh zel a hihna thu leh.

Mizogam kumpi-in gam nih makai/palaite a na vaidawn dan leh a kul banga a kepna leh an avaak manin lungdam thugenuh  hi. Gamgi en dinga makai Ulian hong zinte Mizogam kumpi taangin Lawngtlai DC Pu B. Lalhmingthanga banah Mizogam PWD Chief Engineer Pu Vanlalduhsaka leh Trade & Commerce Director Dr. C. Lalzirliana te’n zui uh hi.


 


Comments




Leave a Reply