WWW.TUNGZANGNEWS.COM

 
Picture
Kawlgam galhangte Pahtawina Kipiate sungah Zomi Khat Kihel
Kawlgam sung a Mipi a ding nasem Galhang minthang pahtawi piak ding kitel na mi (5) lak ah Tg Anthony Kap Khan Khual a kici Zomi khat zong ki hel cih thu Democritic News in genkhia hi. Tg. Anthony Kap Khan Khual pen Pu Suan Do Nang tapa, Zomi National Congress Youth Leader khat hi in, 2007 kum in Kawl kum pi mat leh hen a thuk ngei khat ahihi.

2012, January kha in Kumpi pa heh pih na tawh hongsuakta mite lah ah kihel kik hi. Hih pahtawi na piakna pen Japan gam a om Kawlgam miteng kipawl na pan hi in, kum sial in Galhang mithang zawdeuh 5 ta kiteng in tu kum pen a thum vei na ahihi.

Tukum a ding a ngah lah ah Sayadaw U Khemasaya@ Ko Chantha, Ko Lakyarthun, Tg. Anthony Kap Khan Khual leh Ma Hla Hla Maw te ahi hi.

Hih Pah tawi na te pen June kha ni 9 ni Myanmar Women Day te ni tawh kituak in NLD zumpi Yangon ah kipia ding hi. Hih pah tawi na kipiak hun lai tak in Daw Aung San Su Kyi pen om thei lo ding a hih man in ama tang in NLD Committee te ahi, Thuya Tin Oo leh Hantharwadi U Win Tin te makiah na tawh pahtawi piak na kinei ding hi. Pahtawi na pen Kawlgam sum Kyats 1,000,000 leh Medal zong kihel ding ci hi.

Source: Zomidaily


 


Comments




Leave a Reply