WWW.TUNGZANGNEWS.COM

 
(TZN) Malaysia gamah gambelte UNHCR le Malaysia kumpite May kha sungin min sazian lakna (Bio  data Collection) nei ding cih akizak ciangin, Kawlgam le Zogam nangawn pan Zomi tampi kipai ziahziah cih kiza hi. Tua bek tham loin, Thailand gamgi Aum Phan Refugee Camp panin zong May 6,2012 ni-in Zomi (Chin) honpi khat pai uh hi. Tua te' sung pan Zomi (Chin) 7 te tuanna Motor pen Um Phan Refugee camp pan Thailand zuanin apai Bangkok khuapi tun madeuh in Tuahsia (Accident) uh a, Tedim gamhuam Phaileng khuami Nu Go Cingte innkuan mi 3 sungah a tapa neupenTg. Dal Sian Muan (Kum 13) pen aphual ah sipah in, kum 16 apha atapa ubel a keng kitanh a, a nu uh Nu Go Cing pen a Kawng nuai lam sicip cih kiza hi.

A liam abaite Bangkok khuapi a om Nakhon Sawan Zatopi ah kipuak suakin, a liam sia lua lo adang mi 3 te Police Station ah kikoih uh ci hi. Aum Phan Refugee Camp pan Bangkok dong khe tawh pai uh a, lam sauveipi apaikhit uh ciang puaisa te i a gelkholh uh Motor khat tawh atuangsak uh a, a tuahsiat ciangin Motor hawlpa taimang sawnsawn hi.  Hong nusia Tg. Dal Sian Muan le innkuanpihte pen Catholic pawlpi uh ahih manin, Mae Sot a om Catholic pawlpite tawh kizoptheina ding kihanciampih cih kiza hi. Tua banah, Bangkok khuapi a om Zomi (Chin) kipawlna te'n May 8,2012 Tuesday ni-in aluanghawm omna ah vapai uh a, sep le bawl akisamte a tawp dong mah vaipuakpih ding cih kiza hi. Zomite a koikoi ah akitaisan lo minam i hihan kilang semsem ahih manin Thailand Zomite tungah zahtakna le pahtakna i pia hi.

Leitung nuntakna haksatna tawh mite' mun le gamah innkuan tuahsiatna le sihna a tuak Nu Go Cingte innkuan hangin Tongsan Media Group pan Dahpihna i pulak hi. A dah akap Nu Go Cingte nuta le khual le tual a om sanggam meltheih akua maciat Topa Khasiang in na thapia in, na ompih hen.

Source: Chin World Media
Translated : Pa Kham Khan Suan (Tongsan Translator)

 


Comments




Leave a Reply