WWW.TUNGZANGNEWS.COM

 
ZomiDaily :: Leitungah thautang hatpen leh alauhuai pen ihtheih tek Nuclear Energy/Power hi. Inn leh lo te, mihing ganhing, nuntakna aneikhempeuh angui azungzam in beitolsak kilkelna thautang hi. Khuapi khat' gamkhat vut leh vai suak sak gasmei kuangpitawh hal cipna thautanghi.

Tua thautang Nuclear zang sese lo in, minam beitolsak na ding thuging khia in Nuclear energy/power zatsang in azat tampi in khauh zaw hi. A kapkhakna gu na zawhi. Banghiam cih leh Minam min tawh kipawlna khempeuh' Minam min tawh neihsa inn leh lo khempeuh, Minam mintawh hong piang khia mipil misiam khempeuh' Minam min tawh hong piang khia khanggui kizom suan leh khak ahi ihtu ihta khempeuh vat beltolsak na ahih man in Nuclear thautang zang a, Galsim te sang in "Minam min omlo" cih kammal in thu lian zaw hi.

Mikhempeuh in lungnop suahtakna kideih tek hi. Suahtakna ah ihbelh ihsuan aman pha pen in Min hoih ngah na ahihi. Suahtakna om leh mihingte nunkhua ( Freedom and being human are identical) kisa theipan ahihi. Mihing nuntakna aneikhat suahtakna omsak lo bekthamlo in amin mahmah nangawn omsak loh na in Mihing nun khua khangkhat sungah hamphatna kinei kha ngeilo/kingah khangeilo/kimu kha ngeilo hi.Suahtakna kici kammal pen tehpih ding aomlo amanpha mahmah eite kammal (Freedom is the most treasured word in Our language) cileng kikhial lualo dinghi.

Eite in Pasian thu um te hihang a, mi tawh kisiat ding adeih masa lo minam ih hihi. Ahizong in lungduaitak tawh thunuai lut khiankhian dinmun in ih om laitakin namneu minam thuzawh theih minam hi ci a, min neilo Gu kibuak na in mihing te nunkhua sakna shusia in suahtak na musak lo hi. Ganhing namte lakah miksi te buu/akua nang mah khuttawh vasusia sin le ci'n miksi inzong mite pauthei ahih loh zenzen hang in amah sang in azah maktul bang in alian zaw mihing te tungah lungkimlohna nei in pet teta maihi. Khut ci'n kawm ah omtheikhat in alungso thei ahih leh muntuamtuam ah akizelh khin minam khat in" Na Minam min omlo cih pen kam in akigen/ lai in kigelh khiat pahloh hang lungkimna neilo ding ahihi cih khat le khat kitheih pih huai mahmah thu ahihi.

Eite makai milian khat in' mikhat,minamkhat,gamkhat alapsang nading leh apan pih theihna alian pen piakkhong (letsong) in sumleh paai vanman pha Ngun leh khamh te hi masa zaw lo in mite lametna bang a lampi honsakna paikkhong (The gift we can offer other is so simple athing as hope) ahihi.Tua lametna lianpi anei khat gimna hoihte suksiat na, khaktan na beidong tak a, hin gimsakna silah silo Nung tading in lah hingsuah theilo a kibawl na in Nuclear thautang tawh kapsang in nazaw in ki hin gim mahmah sak na thulian ahihi. Lametna gimna hoih lian pikhat anei nunkhua lapsang nading kikhaktan na in Sih ding cih lohbuang adang lampi om nawnlo (Refusal to hope is nothing more than adecision to die) hi tamai hi.

Tua hihman in tuhun simtham galsim zia te ah'lamet hetloh laitak in ihpul khaktheih nam kibei sak cipnop na in thulian mahmah hi. Kidal siam in kikep siam peuh leng' kuamanh shusia zo tuan lo hi.Galten Nuclear sang akhuah zaw galhiam ahi thulian bangteng zang ahi hiam? cihtak ciang in;

1. Eite pau sang in amau pau pimuhding deihna: 
2. Eite lai sang in amau lai kizatzawk ding deihna, 
3. Eite mi sang in amau mite milian ukna za neihden nopna, 
4. Eite nasep hoih nasang in amau mite nasep hoihzaw bang in kilang tangsak den na
5. Ei upna sang in amau upna zuih pih theih nading thuzol tawh zolna 
6. Eimi sumbawl te khak tan in amau mi sumbawl te lampi honsak na,
7. Eimi mipil te nawl khin a, amau mipil te bek angvan na. 
8. Namlian in akhangto ding khat sum leh paai, galhiamte leh thuneihna tawh bumh sicip sakna,lauthawng sak na;
9. Masuan kingak sak, kikolsak theihna panmun kici khempeuh ah amau thu zawh te tawh nasep khopna 
10. A suksiatnop khat thu kawizong in hun saupi lak khit teh huntomno khat in bingput thalsawn theihna thu bawlna te in' vut leh vai asuak sak thei Nuclear thautang tawh kikap sang in thulian zaw thautang ahihi.

Hau Thang
ZomiDaily

 


Comments




Leave a Reply