WWW.TUNGZANGNEWS.COM

 
(TZN) -Kawlpi pan Zogam, Tonzang dong a paisuak ding Chin Taung Tann Bus khat pen May 11,2012 ni sun hun-in Kawlpi le Tedim kikal Suangpi khua kiang Tedim lam neh mun khatah (Brake) hoihlohna hangin Tuahsia a, khualzin mi 25 sung pan mi 8 liam uh a, Tedim Zatopi kipuaksuak ci hi. Tua a liamte lakah Tedim zato pan mi 2 in hong nusia cih kiza hi. Hong nusiate pen Tonzang gamhuam Tamu khuapi kiang Singpial khua Siapipa leh Singpial Sangsia khat mah cih kiza hi.

Bus in mi 25 le van honkhat pua in thakhat in(Brake) akisiat ciangin, Motor hawlpa (Driver) in lam khang lamah a lengsuak ding launa tawh lamphung pusak ahih manin, lampi tungah kibung cih kiza hi. A liam abaite Tedim Zato Emergency khan sungah kibawl/ kikem laitak uh a, a site banah  aliamte sung pan mi 3 zong lunghimawh huai dinmun ah om cih kiza lai hi. Mawtaw kibutna hangin mawtaw in lampi khak gawpin nitak lam nai 2:30 PM hun pawlin kihemkhia siang thei pan hi. Hih tuahsiatna tungtang ah atamzaw pen Tonzang gam lam a Sang Siate vive cih kiza hi

Bangbang le hong nusia i Siapite nihte' innkuanpihte Dahpihna i pulak kawmin, Zato ah kikhoih kikem a om a liam i sanggamte Topa Kha in na ompih hen la, a manglang in damna le lungnopna hong piaksak hen cih Tongsan Media pan i pulak hi. A sawt loin Pasian in Zogam hong lamto dinga, Motor hoihnono tawh lampi hoih mahmah tungah Zomite khualzin gamvak ziahziah ding in Pasian in hong siam hen cih i upna ahi hi. Topa aw Zogam thupha hong pia in.

Source: BBC
Translated;Pa Kham Khan Suan(Tongsan Translator)

 


Comments




Leave a Reply