WWW.TUNGZANGNEWS.COM

 
(TZN) - Hotel & Tourism Mangpi zum panin Kawlgam ah Tourist hong paite nidanga akikham munte ah suakta takin pai thei ta ding hi cih phalna kumpi in pia ta hi. Nidangin Kawlgam sungah Yangon, Pagan, Nyaung Oo, Taunggyi, Inlay bual, Pintazah cihte leh Chin State ah Victoria mual (Mindat, Kanpetlet) munte bek ah Touristte paithei a, Kawlpi ciang mimalin Tourist visa tawh hong paiin Tai 9 pan Tai 4 ciang bek pai ding phalna kipia hi. Tedim, Tonzang, Haka, Falam munte ah NGO nasepna neite bek pai thei a, pawlkhatte thusimkante tawh kiholemin asim pai zong om hi.

Ahizongin tu-in Travel Agency te in Chin State, Kayah State, Sagaing Region akikham (Phallo) munte ah Tourist (gamdangmite) ahonhon alomlom apai dingin Tourist & Hotel zumpi ah laiphah ta uh hi. Touristte paina dingin Travel Company (50) in Chin State sungah Victoria Huanpi, Rihbual, Bungtla Tuizeu tawh kizomin Tedim, Tonzang, Cikha, Rih a kipan Falam, Haka, Matupi, Paletwa dong pai theihna ding kumpi tungah ngetna neita uh hi.

Kayah gamah Faruso, Dimosa ah Dwemenaw bual, Lukhu bual leh Padaung khuate ahizongin, Sagaing gamah Tanai, Nanyon, Namti, Lido lampi dung zuih ding ngen uh hi. Kumpi ah phalna ngen uh a, Kumpi in amanlangin pia ding hi ciin Hotel & Tourist Mangpi in kamciam zo hi.

Zomite aa dingin Thawm Vum (Thuam Vum), Siallum kulh, Ciimnuai, Rih bual, Tuikhiang Japan Camp, Cikha - Kaihthiel a kipan khaukual, Tuikual, Haiciin kawl, Len Nupa, Suangsuang, Ngainu Cikhuam, Gal Ngam, Hang Sai tatna kuamte hong ki-en nuam tadinga, Ei Zomite ikigin kholh kei leh Kawlte leh gamdang mite in eimi leh igam tungtawnin hauhlawh ding uh a, ei anasemte bek ihi ding hi. 

Source: Zomi Times Weelky

 


Comments




Leave a Reply