WWW.TUNGZANGNEWS.COM

 
(TZN) - 1. ZOMI PARTY KISANGLO, BANGHANGHIAM?
"Sakhi nangawn in atat nading Kuam 9 khual" kici paunak ineih hangin Zomi sungah kikhualna, kihehpihna, kideihsakna omlo-in ei thutum tekin igamta hi. Zomi lakah amadawkte in amalam bek nawkin nungthuap pantah omlo a, amau maban zom ding leh atawsawn ding omlo-in Khang kibansam (Generation Gap) ituak hi. Adahhuai mahmah thu in Zomi sungah Biakna lam, leitung thu lam ah Kawlgam leh leitunga kitheiphial makai minthang khat thu kidonga, "Banghangin ei Zomite khat beek nanungthuap ding pantahin koih lo nahiam" a cih leh "Zomite kamuan khat zong om kei" ciin dawng tazen hi. Kawlpi khuasungah zong Pawlpikem Sia muanhuai khat kiangah "Zomi mah idihpih loh phamawh lo dia" ciin akidot leh "Zomi kamuan khatzong om kei" ciin dawng hi.

Zomi lakah amah zong kihel a, amah zong muanhuailo cihna hi. Amuanhuai lo vive ihih leh zong midang khateh dawhin ita inaute amanthan sangin muanhuai sata kei leng eimi mah pantah leng agina midang sangin gina takei leh ei hih ding thupi hi. Tua hi-a, Zomite in i makhuat ding siam napiin nunglam Thukhual i omloh manin makaite in lah amite muanglo, muangmawh, gina salo, amite in zong angsung thei leh midang khualte ei tawh kisai kei ciin thudonlo-in ahibang agenciangin agensia ciin hehlai uh a, mimuanhuai om kei ciin mimuan aneih loh manin amite tawh kigamla semsemin khang kibansam itung hi. T ua hangmahin makaite lah sang tunglua, ami asate lakah tualbualin tualsuak zolo, amite lah niam lua, madawkte dinmun leh pilna, siamna tel zolo-in amakaite uh dinpih zolo, makaite in amite dinpihlo cih kawmkal sungah i om manin valleyball, bawhlung kimawl hileng kisang diamdaim theilo hi.

Zomite kithutuah lohna leh angsung aituam khualin saupi khual a naseploh manin ZBC pan CBC kikhel sawm ta hi. "Zomi" kici minpen Chin State sunga minam khempeuh min ding kim lai, Zomi deihte in aphualpi taisanin T edim, T onzang, Kawlpi leh Tamu ah ikiphu natnat leltak hi. Zomi Party minpuate inzong T edim, T onzang bekah kuanglui pahcil ihih manin Zomite gam neusek eite vive mah ihi hi. Ngahna dingbek hilo-in ngah lohna ding munte nangawn ah suplawh liangin "Zomi" zuakin khua-ul, sisan, neihsa sum lehpai, thatang ipiak kei leh koi ah tualbualin tualsuak mi suak thei ding ihiam? ZNC kisanglo cih pen Chin deihte in hong nialsak ding mah uh ahi hi. Chin deihte leh Chin Partyte nial ahi kei zongin Kumpi leh CNF kilemna bawl ahihna hangin amau tawh kilemna bawlte bekmah masaklo ding hiam? Zomi Party hong kisang mah lehzong T edim, T onzang gamsunga kuanglui lel dingbel kipat huai nawnlo phial hi. "Chin" ideih keileh "Zomi" min tawh Haka, Falam, Matu, Mindat... akipan Y aw, Asho, Nagate ihuamzawh sawm lehbek Zomi Party kipat huai a, tua lobel gimsak, thapaihsak leh gamneu gamtoi suak hi. India, Bangladesh Zomi adeihte tawh lah kigawmzo pak kei ni. T ua ahih leh maban Zomite in bangsem ding???............ "Zomi" koi ah om???

2. KAWLPI SANTA HAN VAI:
Zomite kithutuah lohna alak Kawlpi Santa Han vai tawh ki-en thei hi. Kawlpi khuabup zat dingin Dowai Hanthak -Sipente leisak ahilo, pawlpi kim ah inn 1-1000/- ciat kidonga kilei hi-a, Sipen leitang hilo-in Kumpi leitang aleite neih hi bek a, Sipen in mipi phatuam ding avaihawm hilel uh hi. Sipenlo adang zumte ahi ajrpm&if; (Leitang Teh) zum in zong leitang nei cih bang hilo-in vaihawmsak cih hilel hi.

Santa Han tawh kisaiin Kawlpi Sipen zum in 4.3.2012 niin pawlkhatte ngetna bangin Hantuah theihna phalna pia hi. Phalna-tuah thei cihbek hinapi Zomi makaite in mipi gim leh gentheih ding ngaihsunlo-in 2012 April sung atuahlote Bulldozer tawh nawtmai ding ciin pawlpikim thu azaksakna bangin athu atello mite patau in kap ngeingai a, athu atelte in Aana tawh tuah ding, nawtmai ding Kawlpi Sipen lai ah omlo a, Dowai Han Committee thusuak bek hi tuah kei un kici taleh tuah ding angen pawlpi leh mimalte ahitam kitheilote in kumpithu akhelzo omlo ding hi, Bulldozer tawh kinawtmai ding hi ciin apawlpi mite akhem Sia, Upa, Siampi nangawn a om ciangin Kawlpi Sipen zumah Sia V um Nang paiin athucing genin adot ciangin - April sung atuahlote Bulldozer tawh nawt ding gen kei ung, ko Sipente lai tvGJoHk;pm (met lak) uh hi ciin T uahloh ding thu 12 May 12 niin suah leuleu uh hi. Hih April sung tuahlote Bulldozer tawh nawt ding cih Sipen lai ah a omlo kimlai, kibehlap sak ahi hi.

Tua ahihmanin Khamtung, Kawlzang, T amu, Y angon leh gamdang USA, UK, Singapore, Malay Zomite in Hantuah ding gen nawn kei un. Atuah vevete kumpi thumanglo hileuleu hi.

Rev. Dr . Lang Khan Khai
Zomi Times Editorial sungpan aki lasawn ahihi.

 


Comments




Leave a Reply