WWW.TUNGZANGNEWS.COM

 
Dear Zomi a it, a ngai a kua mah peuh,
ZNC party registration vai hi ta leh, Zomi leh Zogam a it, a ngai, a vei a kua mah peuh in, hih bang in Zomi buppi tawh kisai thu le la te hong om ciang, mipil misiam te in thu leh la hoih tak in, hong makaih in hong vai hawm thei leh ki deih mahmah hi.

Hih bang thu om ciang in, Zomi te a mailam kalsuan na ah "Analytical, critical, researchedinformation" a pia ding "Body" khat kisam mahmah a hih lam hong phawk sak semsem hi. Zomi ki pawl na tuamtuam om khin mah ta leh, "Intellectual" lam ah kipawl na khat zong om nai lo a, Zonet tung ah thu gen te zong a hoih a tam mah bang in, sim nop loh pawl khat zong om thei hi.

Hih "Zomi Think Tank" in Zomi mipi leh Zogam a ding, Zomi minam tawh kipawl na tuamtuam a om khin te tawh tung ah a kisam bang in, "Analytical, Critical Researched Information" te a pia zo ding din mun "Advising Body" khat a hih zawh nang lunggulhna hi.

Zomi a it, a ngai khat hi a, a tawm pen in MA, MTh, MEng, MSc (Masters Degree Candidates, a kah laitak te zong) qualifications na neih leh ka email (cinsdal2@yahoo.com) ah hong thuk kik in. Zonet pan hong thuk kik kei in. Heh pih na tawh nong thuk kik ciang in, "Zomi Think Tank" ci in subject ah hong at in.

Itna leh lam etna tawh thu a za kik ding in hong lam en ing.
Zomi sung ah,
CS Dal

 


Comments




Leave a Reply