WWW.TUNGZANGNEWS.COM

 
Zogam,Zolei leh sim le mal, leitungbup aa om Zomi khempeuh aw:

Ibiak i paai Pasian min tawh na khut uh hong lenin cidam lawhcinna thuphakhempeuh no tungah hong tung ciat tahen, ci-in thupha kong paih masa hi. Konghopih nopzawh sauveipi hi napi-in pumpi dam lohna leh keima kicin lahna tawhtu-in kong hopih zo pan hi. 2011 December kha aa i bawl, GZA makaipi 325Khawmpi zawh GZA zong i munmun tek-ah i hih zawhzah-in i thasan tek i hih maninlungdamna kong ko hi. Ka cih den mah bangin GZA pen kua-a tuam hi lo-in Zomibuppi aa ahih manin i tunna peuhpeuh pan i minam khual-in, it-in, puah-in,zuun-in mainawt tek ni.

Nungkum December Khawmpi leh tu kikal, sep masak (priorities) ding aa i geel nasepnam (6) te lak-ah Mobile Clinic i cih Vakkawn Zato pen Cidamna lam Komiti-te inhong hanciam-in Kalay gamsung leh Tonzang gamsung-ah nasep hong kipan uh ahihmanin Zomi buppi leh GZA taangin lungdamna i ko masa hi. Mailam-ah zong honghanciam ding uh lam-en hang. I sep masak ding adang nam (5)-te zong sep dingina geelgeel, a kikumkum i hihi.

Tulaitak-in Yangon khuapi leh i minam omna peuh-ah thuging khat oma, tua pen iminam sungah Naingnganzi Party khat-a a ding ngei Zomi National Congress(ZNC)-te in Party kipsakna (registration) a nget uh ciangin ngah lo, cih thu ahihi. Kumpite in Kawlgam sunga minamte a gualh uh ciangin Zomi kihel kha lo hi,ci uh hi. A taktak-in cilehang, amau pen hih min mah tawh kipsakna a ngahngeisa hi uha, 1990 kum gambup kitelpi lai-in zong hih min mah tawh dinginParliament ah mun (2) a ngah ngeisa uh a hihi. Ahang tuamtuam tawh Partyphiat-in tu-in a siauh kik ciangun ngah lo mawk uh hi. Ahang i theizo kei hi.Ahi zongin i Zomi nam mah ci veuvau-a Party dingin Zomi nam ading nasem nuamParty ahih manin Zomi it khempeuh i lungnuam lo tek hi. Amau zong ommawk hetlo-in Zomi cih pen taangtawng peka a om i minam min ahih manin Kawlgam hong ukkumpite in telsiam-a a santheih nading-un i munmun tekah thungetna tawh panpihtek ni. Zomite pen Zomi mah i hihi. Leitungbup in hong theihna ding leh kumpitein hong saan theihna dingin ngaihsun tek ni.

Hihbanga thu hong om ciangin mi tampi in GZA bangci ding hiam, ci-in ngaihsutnahong dong leh hong pia pawl khat zong om hi. Ka lungdam hi. Ahi zongin hih inGZA nasepna bangmah sukha-in, nawngkaisak het lo ding hi. Bang hang hiam cihleh, GZA pen taangtawnga i kilawhna zangin nasepkhopna ding (movement)lunggulh-a kizop kipawlna a hihi. Kuama kiangah kipsakna (Registration) i ngenngei kei hi. Nget zong i tum kei hi. Zong i ngen ngei kei ding hi. Bang hanghiam cih leh, GZA pen minam vei-a kizop kipehna a hihi. Tua ahih manin hih thuhangin GZA a nawngkai, a sukkhak ding kuamah na lunglau kei un. GZA in atunga iminam a puah nuam ZNC ading thungetsak a, ngaihsutna hoih i neih leh piak dinglongal vaipuak dang i nei kei hi. Hih hangin zong GZA buaisakna ding thu om lohi.

Yangonpanin GZA om teng a hunhun-in kimu-a sep theihte sep dingin ka na geel uh hi.Tua bangmah-in leitung mun tuamtuam aa om Zomi khempeuh aw, no zong na munmunuah na kimu, na kikum-in GZA sep dinga i geelte a taangtun zawhna dingin,ngaihsutna piakna (suggestion), leh nasepna ding sum le paai piakna (financialcontribution) tawh a kisam banga nong dinpihna dingun Zomibup taangin kongthuum hi. Global Zomi Alliance

Pasian hong piaksa thupha ahi kizopna, Internet pen atuungin mimal kikona, mimal kitotna peuh-in i zanga, tu-in ahih leh minam thukikupna-in zangin mainawt tum i hih manin ka lungdam mahmah hi. 2013 kumciangin Zolai simbu i neihzawh kum 100 cinna Pawipi (Centenary of ZomiLiterature and Textbook) ZCLS-te makaihna tawh Kalaymyo (Tahan Baptist Biakinn)ah nasia takin bawl kisawm hi. Thungetna ah phawktek ni.

Ibiak tung Pasian in leitungbup aa om Zomi aa piang tanu tapa khempeuh, vantungthupha, leitung thupha tawh hong kicingsak henla, ei Zomi khempeuh in zong iminam, i lai leh i paau i haamte, puahkawm zuunkawm-in mainawt khawm ni.

Notehong it,

Rev.Dr. S. Pau Khan En

GZA Makaipi

 


Comments




Leave a Reply