WWW.TUNGZANGNEWS.COM

 
Zogam le Zomite itna tawh Kawlgam bup huamin gamvai nasem Zomi khangthak Tg. Anthony Kap Khan Khual pen Kawl galkap kumpite' mat le henin Pathein thongpi sungah Kum 4 val kikhum cip hi. Minam nasemte Pasian nasem taktak in Pasian ciamteh ahihna tawh kizui-in, Thein Sein kumpi in thuman sahtakna hunpi sungah hong khahkhiatsak uh hi. Tua bang a gamvai tawh nasem Thongkiate Daw Aung San Suh Kyi makaih NLD min tawh " Unknown Hero Award " pahtawina piak theih ding Kawlgam bupah mi 5 teelkhia uh a, tuate sungah Zomi Ngalliam galhang khat ahi Tg. Anthony Kap Khan Khual zong kihel thei hi.Hih Ngalliam Salpha Pahtawi piakna pen June 19,2012 ni Leitungbup Numeite Ni ( World Womens Day) in NLD zumpi, Yangon ah thupitak kinei a, tua laiah Zomi Ngalliam Tg. Anthony Kap Khan Khual in zong Zomibup min pua in Unknown Hero Award " Ngalliam Salpha Phatawina " hong ngah ahih manin, Zomibup aitang in  Tongsan Media Group pan zahtakna le Lungdampihna sangpen i pulak hi. Tua pahtawi piakna hunpi sungah ZNC makaipi Pu Chin Sian Thang tapa Zomi Ngalliam khat mah ahi Pu Kam Lam Khup le Zomi Siamsin Sangnaupang in thapiakna le lungdampih thei cih kiza hi.Tua pahtawina hun sungah Zomi ngalliam Tg. Anthony Kap Khan Khual in pahtawina ngah galhang mi 5 te' aitang in lungdamkoh thugenna le khangthakte thapiakna khauhtak nei thei cih kiza hi. NLD makaihna tawh hih bang a pahtawi kipiakna pen a thumveina cih zong kiza hi. Zomi Ngalliam Salpha Pahtawina hong ngah ahi Tg. Anthony Kap Khan Khual tungtawn in Zomi khangthakte sungah gam le minam veiina/ lainatna khangsemsem hen la, Tg. Khual mahmah zong gam le nam akhual zo tawntung dingin hong siamsak ta hen. Zomi Thukizaktuahna phungpi khat pan,International Tongsan Media Group Headquarters,Kawlpi - Zogam
 


Comments




Leave a Reply