WWW.TUNGZANGNEWS.COM

 


Juda gam Israel kiima om Arab ten a lau mah mah uh pen Israel Secret Service MOSSAD - Central Institute for Intelligence and Special Assignments te ahi hi.Israel ten suahtakna a ngah phet un Arab gam te tawh buai to pah uh hi. Tuabanga kiim leh kianga gamte tawh buai den ahihman in Prime Minister Ben Gurion in khan Secret Service hoih tak neih ding kitangsam sa hi. Tuaciangin Kum 1948 June kha in Secret Service pawl dinna ding order pia hi. A ma in zong bel thukansim pawl neu nou neisam uh hi. Ahizongin tuazahtaka zattak hi sam lo uh hi. Secret Service kiphuan thak pen lawm thumah khen uh hi.

A masa pen Bureau of Military Intelligence hi a, Counter espionage lam sem uh hi. A nihna Political Department of Foreign Office hi in foreign intelligence lam sem uh hi. Deih bangzo lo ahihman in trainingna hoih leh vanzat hoih a ki tangsap lam phawk uh hi. Kum 1951 September kha ciangin munkhatah gawm in MOSSAD hong piang ta hi.

MOSSAD Director pen Shiloah ahi hi. British Intelligence leh American CIA ten training pia uh hi.A sawt lo in British leh American te hilhna tungtawn in espionage style thak khat thei uh hi.Leitunga Galvan hoih zaw deuhte lei in amau ngaihsutna tawh tua tungtawn in a dang bawlkhia thei uh hi.A sawt lo Iin Israel pen leitunga Secret Service nei hoih pawl hong suak hi.

A masa pen in leitung mun tuam tuam a om Israel te lungsimah gam itna leh ki unauna lungsim tuh masa uh hi.Israel te leitung mun tampi ah kithehthang uh ahihmanin leitung mun tuam tuam thu tua Israel minamte tungtawn in kan thei uh hi.Kiim leh kiangte tawh kido den ahihmanun ngaihmuan hun om lo in tua in siamsak hi.A lungsim uh hangsan in tactic khatpeuh zang meng meng ngam uh hi.Tua in a gamtat uh nuamsak hi.Scientist te khawng zang ziau ziau lel uh hi.Masawn sawn in leitung mun tuam tuamah kizeel uh hi.Gamdang Secret Service te tawh semkhawm bangin kilang simzaw zen in thusim guksak ngiitnget uh hi.A ut hun khatciangun buaisak thei zel uh hi.Khatvei zong France kumpi kiangah a gam uah Terrorist tampi lut sim ci-in hilh uh hi.France kumpi buai laitakin a thusim theihsak uh hi.India leh Sri Lanka ciang nangawnah hong tung uh hi.A gamtatna te uh leitungin lamdangsa hi.

Kum 1960 in Leitung Galpi nihna laia Juda tampi a that, German mi Adolph Eichmann Argentina gama bu sim pen Argentina kumpi’ theihloh in gu khia thei uh hi.Amau public airport pan in a theih loh un len khiatpih lai uh hi.Hih tungtang bang Argentina zong lungkim hetlo sam hi. Eichmann tungah amau hoihsak dan in thukhen uh a, kum 1962 in khailum uh hi.A luang zong phum se lo in hal uh hi.A halna vu zong amau gampua tuipi ah pai tek tek uh hi.

Israel te Nuclear reactor ding Uranium hong kitangsam uh hi.Kum 1968 in Germany tembaw “Scheeberg” uranium oxide barrel 560 pua Antwerp tembaw khawlmun pana Italy lam zuan a pai pen tuipi ah mang hiau hi.A man khit a sawt ciangin mindang tawh ki mukik hi.Ahizongin a uranium puak khempeuh om nawn lo hi.Mossad te lah daidide lel cih khawng hi.Israel ten reactor a zat ding Uranium deihkhawp neih theih lawh uh hi.Kum 1969 Christmas niin Cherbourg Harbour pan in kidona tembaw nga gu khia uh hi.France kumpi zong lungkim hetlo hi.Tua a Operation pen cih 'Noah's Ark' min vawh uh hi.Lei kuul lo in kidona tembaw nga nei thei ziau uh hi.

Kum 1976 in Israel vanleeng leh a mi tuangte migilo ten kawipaisak in Uganda a Entebbe ah ki tu(landed)sak hi.Tua tungin MOSSAD Special Agents ten huntomno sungin vanleeng leh a sunga tuangte honkhia thei uh hi.MOSSAD pen leitunga intelligence agency khangto leh lawhcing pen pawl ahi hi.

Pau Tun Thang

 


Comments




Leave a Reply