WWW.TUNGZANGNEWS.COM

 
Kawlgam kumpite le mualmite kikal kilemna bawl pawlte makaipi huh Mr. Aung Min ( the vice chairman, Union Peacemaking Working Committee in) in Panglong Conference tawh akibang pian kimuhkhopna khat mai 2014 kum ma teitei neih dingin, nung kha sungin gampua lam a om Mualmi kipawlnate tawh Thailand gam Mae Sot khuapi a kimuhkhopna pan pulakkhia cih kiza hi. .

Dr. Naing Aung ( The Forum for Democracy in Burma -FDB) in a genna ah bel, " abeisa December 2012 bei ma in kipanthei hen la, deadline 2014 kum dong kinei zo le cih gen hi. Tua kimuhkhop hun ciangin, Party khempeuh kikumkhawm ding ahih manin Second-Level Peace Talks ah kilemna om zo ding in lametna kinei hi. Thein Sein kumpi in thuneihna lam tawh kisaite ngaihsun dinga, adangte Parliament in vaihawm ding ci hi. Panglong Conference pen February 1947 kumin  Panglong khua, Shan State ah kibawl hi a, mualmite sung pan Shan,Kachin leh Chin makaite leh Kawlgam kumpi ahi General Aung San thukimna kinei hi-in, tuani akipan Mualmite in Union of Burma min tawh kizopna kinei ahi hi.

Tukha July 3,2012 ni-in, Burmese Pro-democracy Groups te in FDB tawh Kumpi lam kilemna bawl pawl (Government Peace Delegation) te tawh kimuhna nei uh a, Peace Talk makai Minister U Aung Min in, mualmi Organizations te le Kawlgam sung a om minam 135 pan political party tuamtuamte leh NGO tangmi te hih Conference a kihel dingin sap dingin gen ci hi. Hih Conference ah Cease-fire leh Peace Issues kigenkhawm masa dinga, tua khitciang in thudang tuamtuamte kingaihsun pan ding ci uh hi. Gam puahphatna ding taktak suak ahih manin party tam theithei kiheltheih dingin thupisak cih kiza hi.


U Nyo Ohn Myint in agenna ah, “ Gam sung ah kilemna kician a piantheihna dingin, alang lam tuakah kimuan ngamna om photphot leng tua Panglong Conference lawhcing thei bek ding " ahihna gen hi. Tu in ngaihsutzia leh sandan a kigenkhawm pan hi a,  kimuan ngam tuak ding thupi dingin gen uh hi. Kiho taktak ma in paizia ding kigelkhawl ding ci hi. Kimuan ngamna anei kei tuak ua leh a lawhcinna om tuan lo ding hi ci hi. Kawlgam kumpi peace delegation member 7 te Thailand ah ni 4 sung va zin uh a, mualmi kipawlna tuamtuam 18 te tawh kimuhkhopna nei thei uh cih kiza hi. Kawlgam kumpithakte in gamsungah kilemna thupitak om mengmeng a, Democrecy lam man tawh kalsuan mengmeng ding lunggulhna nei uh ci hi.

Source: Mizzima

Translated: Tongsan tanute

 


Comments




Leave a Reply