WWW.TUNGZANGNEWS.COM

 


Dear USA gam sunga om Zomi khempeuh:

I sanggampa Neng Lian Thang vai tawh kisai group mail tuamtuam pan a zakhin tek ding hong lamen ungh.

Maikha August 15, 2012 ( 1:00 PM) hun in Immigrant Judge Taylor, Florence, Arizona, in Kawlgam puakkik ding leh puakkik loh ding cih khensatna nei ding cih Kamphen Mi Mi tungtawn in ki thei hi.

Kawlgam puakkik lo-a, USA gam sungah om suak theihna a ngah theihna ding in USA gam sunga om Zomi akuama peuh in Judge tungah ngetsakna, thumsakna i neihna ding in Neng Lian Thang vai a vaan Siitni (Lawyer) Laura in a deihna Kamphen asepsak Mi Mi tungtawn in zaksakna hong nei hi.

Tua tawh kizui-in, Zomi Innkuan USA, Inc. in Judge tungah Sanggampa Neng Lian Thang Kawlgam puakkik lo-a, USA gam sungah om theihna a neihsuak nang thumsakna lai atuam in Siitni Laura tungtawn in kikhak khin hi. Tua banah, mimal atam theihthei in thumsakna i neih theihna ding deihna tawh hih Thumsakna Lai (Petition Letter) online tungtawn in kong bawl uh hi.

Sanggampa Neng Lian Thang a dingin thumsakna suaikaihna (Signature) na neihna dingin Zomi Innkuan USA mintawh kong ngetsak uh hi.

July 31, 2012 ( 10:00 PM EST) hun in Signature aki ngah zahzah tawh Thumsakna Lai (Petition Letter) Siitninu Laura tungtawn in Judge tungah kikhak ding hi.

Theihsakna: USA Immigration Court ah a kipuak ding Thumsakna Lai hi-a, USA ahi lo gamdang pan mapanna te Judge in asansiam loh khak ding lung hihmawhna tawh Suaikaihna USA gam sunga om Zomite tung bek pan in ki ngen hi.

Signature neihnang mun:

https://www.change.org/petitions/the-honorable-judge-taylor-executive-office-of-immigration-review-az-do-not-deport-mr-neng-lian-thang



Akuama peuh mapang khawm ciat ni.

Lungdam,

Zomi Innkuan USA, Inc.
 


Comments




Leave a Reply