WWW.TUNGZANGNEWS.COM

 

Zomi Innkuan Makaipite (USA),

Hih bang nong vaihawm theih uh lungdam huai mahmah sa-ing.
Ka lunggulh gige khat omlai hi.
Makaite pen amau genloh ei zong kumtam kisa ta, sep leh bawl ding zong ngapluat om nawnlo, nuntak nading nangawn uuk cih hinawnlo in sialpi vaikuan aa kikuan hita hi.
Tuatawh kateh ciang amau zong tua ci thamtham ta ding ahihman in, amau' tangthu gina tak aa nong vaihawm zawh dinguh thupi dinghi.
Tangthu cihciang in adiakdiak minam aa ding angim, atupna te uh, ahawm ageel nate uh leh asep abawl te uh hoihtak ciapteh ding kisam dingin ka umhi.
Banghanghiam cihleh, tuhun ciang, sa beng nuamlo salu suang nuam kitam ta aa, hun khatciang akisap hun om dinghi.
A tangthu uh igelh ciang ahibangbang aa gelh ding zong thupi sa-ing. Pawl khat tangthu gelh sunsun te'n ong kinial keitah ci-in akilawmlo zah ciang gelh suk gawp in, kuama'n lah nial lo ngei (mihing zia hikhin taklo) ahihman in asawtsawt ciang tua laibu asim kha te'n ahitakpi in kila mawk aa tangthu zuaupi anei suak mawk hihang.

Tua ahihman in minam aa ding, gam aa ding isep i bawl bangbang, a om keiphial leh zong a omlo bang, (zuau leh puah leh behlap a om hetlo ding in) bawl huai mahmah ding, tua nasep pen Zomi Innkuan USA mah in maban in ong neisuak le uhteh, Zomi Innkuan USA ahizongin, Leitungbup Zomi Innkuan (LZI) ah ahihzongin ZNC party tawh kisai adeihsak, a panpih nuam makai,  tu aa valkan zong kicing nawnlo maithei ding ahihteh, na vaihawm zawh lai un ong vaihawm le uhteh lunggulh huai mahmah sa-ing.

Hang Khan Lian

It leh ngaih, khuapih tuipih, laizom u leh nau, nu leh pate aw;

 

Zomi-te Minam Makaipi Pu Chin Sian Thang leh Pu Phungzathang Tonsing tawh tukhawm in, ih gam leh ih minam vai holimna hun khat anuai a Hun-geelna bangin ih bawlsawm hi. Gam leh minam itna leh khualna tawh kikaikhawm in Holimna ah kihel ni ci-in itna tawh hong zawn ingh. 

 

Pu Chin Sian Thang leh Pu Phungzathang Tonsing tung ah thu leh la khatpeuh a dong nuam ih om leh, a thu tom kim cingin, hih Email ah hong puak un. Makaipite in a mun a mual leh a dinmun tawh kituak in dawn’ ding a kilawm thute bek hong dawng ding uh ahih manin, a thu nahong puakkholh ding uh kisam hi. Holimna bawl ni ciangin, hun kipatma in laidal tawhzong kipia thei ding hi.

 

Holimna pen Internet panin Online Webcast kibawl ding hi. Website Link pen a kuan ciangin hong kitaangko ding hi. Webcast a kibawl ding hangin, Tulsa khuapi a om, gam leh minam avei khempeuh in Makaipite zahtakna tawh Holimna mun ah nahong kihelna dingun hong zawn phapha ingh.

 

Lungdam ei.

Kimuni.

 

GSKhup

President

Zomi Innkuan USA

 

============================

 

Zomi Innkuan Holimna
Zahtak Zinmangte:·   Pu Chin Sian Thang (Ex.MP)

Chairman
Zomi National Congress (Zomi Congress for Democracy)

Myanmar  Pu Phungzathang Tonsing (MLA)
Cabinet Minister, Government of Manipur

Indian National Congress
India
Innteek: Zomi Innkuan USA, Zomi Innkuan Oklahoma

 

Hun-geelna:

A Ni                : July 29, 2012 (Sunday)

A Hun             : Nitak nai 7:00PM

A Mun            : Full Gospel Assembly Biak-inn, Tulsa, Oklahoma
-- 
Hang Khan Lian
Block 640#11-59
Bedok Reservoir Rd
Singapore 410640
 


Comments




Leave a Reply