WWW.TUNGZANGNEWS.COM

 


Dear Zomi te,
Zomi sung ah minam leh gamvai na sepna leh kipawlna tampi tak om in,i sepnop leh i gen thu khempeuh minam leh gam aa ding phatuam nang ngimna leh gelna vive a hihi.Hi bang in Zomi leh Zogam aa ding  kipawlna tampi tak i neih khit hang in a taktak Zomite haksatna dawnzang zo taktak thei ding sem kiom nai mello a hih man in gam sung gam pua ah Zomite kitavai thei mahmah cih ding a hihi.

Banghang in Zomi sung ah kipawlna leh minam vei tam mahmah na pi Zogam in khantohna taktak ding lametna kimu zo nailo  hiam cih thu i ngaihsut ciangin i sepdan siamlohna, i makaih zia dik lohna leh a sem a bawlte mahmah hangsan ngamna,thuakngamna neih kulta  i hizaw kha tam cih tawh thu i sut ding uh hi.

1.Sepdan siamlohna: Sepdan siamlohna cih ciang in Zomi sung sepna ah mipi deih leh kitang sap taktak bang hiam,mipi khamuan theihna ding taktak bang hiam cih ngaihsut kul a hihi.Zomi forum(khawmpi),Zomi leader summit,zomi conference,Zomi convention etc....peuh ci-in Zogam ngalha pak tampi i kimuh phengphang hang in i sep suah taktak te i etciang bawlung suih peuh,idol kidem peuh,fashion show peuh leh pulpit tung ah thu gengen  pong cih peuh ciang bek tawh i lungkim mawk leh sau i kalsuan zo kei ding uh hi,mipi lam pan sep ding leh vaihawm pih huai thute kuppihna leh sep ding khensatna gahsuak sak vaihawmna bang mah kinei zongei lo in thabei sumbei liang in i septe pawlkhat mawkna ka sa mahmah hi,gentehna in Zomi kipawlna tuamtuam pan khawmpi thupi tak kibawl zelzel himah leh koi kisemkhia in,bang sep ding vaihawmna kinei aa,i sepsa koiciang hita cih leh i sep lai ding maban i aims and objectives te et in bang zah nei lai cih gen ding kikup ding om lo a hih manin, sem i kisak mahmah tek hang gam leh nam aa ding in na semnai lo te i hi mawk uh hi.Zomi khawmpi kibawl khempeuh annekna,lawm leh gual tawh kimuhna,kimawlna,thu gengenna etc.. tawh thengmang den ke a hih manin, mipi lam pan zong thathak la aa,Gam leh nam aa ding sep taktakna neih sawm in suangtat satngam,akkhengkawi lawngngam penglam galkap tumngam  hun himawk ei cih ngaihsut huai khuahun a hihi.

2.Makaih zia diklohna:Makaih zia diklohna tawh kisai in,i sepsa leh bawl ding aa gelsa thutam pi tak te diklo hoih lo cih hipah samlo in,tua te sang a picing zaw leh a hoih zaw makaih zia kisam cihna a hihi,kawlgam pen kiuk cipna tawh ki-ukna gam a hih manin,mipi lam pan agen ngamloh uh bawlsiatna,a nasakna uh thuak haksa ta leh  thuakhaksa lo bang aa om in laitang natna ,dahna ding kahna ding thangpaihna tampi nei mah ta leng i dah i kah ngamlohna tampi takte penZomi mipi lampan Zomi makaiten hong gumkhia honkhia le uh cih lunggulhna tampi tuma kum 60 val lai pekpan a omkhin hina pi in,Zomi makaite atam zaw in thei in i tel mahmah hang semngam lo,makaih ngamlo dinmun ah i mipite khawlcip pih sawm den i hih man in Zomi makaite sung ah suangtat satngam,akkengkawi lawng ngam,penglam galkap sem ngam Zomi mipite in kisapna hong neilai tak uh hi cih phawk huai a hihi.

3.Sepngamna leh bawlngamna neih hunta:I minam leh gam dinmun i etciang in,kawl galkapte hong bawlsiatna leh minam sung ah hong kisim mawhna tuamtuam meitei singnuai te aa kipan hong sah mahmah ta a hih manin,i gam i lei a huu a ciing leh a khual ding in Zomi mah deih huai leh kisam mahmah ta cih pen nial theih loh Zomi issue lian mahmah khat hong suakta a hihi.Sim leh mal Zomite tu laitak i dinmun i etciang in ZRA/O vai thupiangte i muh leh theihdan tek hi aa,minam vaisaina sung ah buaina om cih a hihi,tua mah bang in kawlgam lai vaisai na ah CNF/A in kawlkumpi tawh peaceagreement hong lak uh ciangin Tedim gem leh khanglam Zogam mun tuamtuam ah mipi lautawngna hong tunpih zawsop cih ding a hihi.Tu hun ciangin kawlgam pen democracy reform tawh kalsuan dinmun ah i om laitak a bat hang in,politicalize in encian taktak le hang i kawlgam politic huih nun in Zomi leh mualmi te tung lemna lam hong mainawt zotak pi ding hiam cih tawh i ngaihsut teh (trick) khemna tampi om mahmah ding uphuai mahmah a hihi.Hi bang hun ah gam leh minam itna khualna tak tawh na sepna kimakaihna thupi tak hong neihhuai pansan a hih man in tua issue la ding in WZC in sep theih bang in semna kila nuam cih thu a hihi.Hi mun ah a beisa WZC na sep zia i et ciang in party politic tawh kalsuanna mai kinawt zawhna om kha thei lai ding hi ci-in Party te thapia in support na tuamtuam kinei zel cih ding a hihi,A hizong in 2011 khit teh kawlgam party politic kalsuan zia tactic hong kikhel ciangin kawlgam sung party te sang a khauh zaw in a semnuam leh a semngam suangtat satngam,akkengkawi lawngngam leh penglam galkap semngam khong peuh kisapna hong lian zaw suak mawk a hih manin lungngaihna thak kinei a hihi.

4.ZIA te kimu khia:Hibang in Zomi leh Zogam vai kinpihna leh veina takpi tawh na i sep ciang in 2011 kum aa karen gam pan hong kipan khia Zogam galkap pawlkhat ZIA ci-in min na kiphuak uh aa,gam leh nam suahtakna ding aa phul mah a hi DKBA te tawh mapang khawm cih thu a kizak ciang in,Zomi khempeuh in hite thapiak huai hi cih ngaihsutna kinei in,angtan huai leh minamte lak ah tualniam nawnlo Zomite i hihna hong laksak uh a hihi.Tu Zomi galkapte a hih leh Shan galkap te tawh training kah sawmval om lai tak uh ban ah,kawl galkapte sukmang zawhnawn hetloh ding in thahat ta uh cih thu kizak beh aa,2012 sung galkap zon un cih policy a neih mah bang in Zomite omna mun tuamtuam pan Zogam galkap tum ding kuan ziahziah uh cih thu kiza a hihi.A sawtlo in KIA,SSAN te tawh zong gamkuan khawm ding kiho limna nei khin uh cih thu a hihi,Upmawh loh pi in Zogam galkap na tumnuam hiam cih hong kidot khak leh i tumsawm hamtang ding uh aa,upmawh loh pi in Zogam galkapte tha na pianuam hiam cih hong kidot khak leh tha piak sawm tek ta ding hihang.

5.Gam leh nam aa ding mawh peng kuamah omlo:ZIUSA khawmpi tulsa ah makai lamte in WZC sapna hong neih uh tawh kizui-in ka vapai leh thu kigen khempeuh lak ah thupi kasak mahmah thukigen khat ah Gam leh nam vai pen mawh peng thei kua mah omlo ci-in genna a hihi,kei Pasian lam hahkhat hing,kei politic mi hikeng cih tawh a kimawhpeng sak ding om tuanlo aa,laisiangtho ah Moses pen politic leader tam sep zaw in anau aron pen spitual leader tam sem zaw aa,Pasian in Moses bang thupi zat zaw cih theih a hihi cih main speaker pu in hong gen thupi ka sa mahmah hi.Tua a hih manin Gam leh nam aa ding Zomi bup sung ah mawh peng thei i om het kei aa,a gim a tawl te zong nang leh kei khualna mah tawh a gimpih a tawlpih uh a hih lam phawksiam in thapiak huai mun ah  suangtat satngam,akkengkawi lawngngam leh penglam galkap sem ngam a kisap leh sep lel ding a hihi.
Lungdam.ThangLian.


Ciampello
Zophualva
 


Comments




Leave a Reply