WWW.TUNGZANGNEWS.COM

 
Zomite sungah Pau leh lai lam tawh kisai masawn zawkna ding le adiakdiak in khangthakte sungah a kitheikhialo (kiselcip) laigelh siamte zonkhiakna banah amau kivaakna (Talent) pulakkhiatsakna ding lunggulna tawh Zogamnline in Thugelh/ laigelh kidemna bawl ding cih thu kiza hi. Hih laigelh kidemna pen a diakin khangthakte' sungah laigelh a lunglutte thapiakna le hanthotbehna khat zong hi ding hi ci-in, ZogamOnline vaipuate in gen uh hi. Hih Laigelh kidemna sungah deidan om loin a lunglut khempeuh kihelthei ding uh a, laigelhzia tawh kisai theih ding le zuih dingte a nuai bangin zasak uh hi.

Thulu: (Topics )


Fiction:

  • A thulu dingin a thugelh ding tawh kituak ut bangbang kizangthei ding hi. (Topic telkhiat om tuanlo hi).
  • Fiction / tangthu phuahtawm, khat peuh love story zong hi thei ding hi.
  • Thugelhte in Moral nei deuh hithei leh a kideih hi.
  • Laimal atawm pen (Maximum: 3000 words) pha ding hi.
I gam Economic, Social leh Political lam thu khat peuhpeuh:

  • A gelhte ading in a gelhnop bangbang kiteelthei a, a vekpi-in zong thugelh sungah gawmkhawm thei hi.
  • A thugelh tawh kituak in a thulu zong ut bangbang bulh thei ding hi.
  • Laimal (Maximum words: 2000 words) pha ding hi.
Theihtuakte:

  1. A thung a thu namnih (Category) te gelah 1st, 2nd leh 3rd te pahtawina (prize) limcitak kipia dinga, akihel khempeuh zong Thapiakna (Consolation prize) kipia ding hi.
  2. Laigelhna ah pauzat zia dingin Zosuan pau khat peuhpeuh kizangthei ding hi.
  3. Mark piak zia dingte: (i) Laigelh dan (spelling, punctuation etc), (ii) Creativity leh a thu luan dan  (iii) A thutuun leh a moral/society a dingin Relevance cih bangin, hih thupi thumte tungtawn in Mark kipia ding hi.
  4. Thugelh / laigelhte pen ms-word hiam, pdf hiam soft copy ding uh a, hih email ah kipuak thei ding hi. Email: admin@zogamonline.com 
  5. Laigelhte in (i) Min (ii) Omna (iii) Phone number (iv) e-mail id leh (v) Limlak(Photo) khat tawh puak (submit) khawm ding hi.
  6. Puak hun ding a nunung pen (Last date of submission) pen 20th August 2012 hi ding hi.
  7. 15th September 2012, ZogamOnline 8th Anniversary ni-in a Gualzo te pulakna (results) pulakna kinei dinga, Pahtawina zong kipiapah ding hi. 
  8. Online le Media khat peuhpeuh ah a kisuaksak sa, thului gelhte hih kidemna-ah kisanglo ding hi.
  9. Hih thugelh piakkhiatsa te pen ZOL a kisuahkhiat zawh kha 6 sung ciang, mundang Media te ah khahsawn/ suahsak kiphallo ding hi. Tua khit akipan laigelhte' thuneihna sungah om hi ding hi.
  10. Mi khat in thugelh khat sanga a tamzaw gelhkhia thei dinga, a hi zongin mi khatin pahtawina khat (1) sanga tamzaw a ngah thei lo ding hi.
Hih bang a laigelh kidemna pen Zomi te' Online le Media sungah tam om nai lo ahih manin, i pau leh i lai deihna le veiina tawh a kua maciat kihelkim dingin ZOL vaihawmte in cialna nei uh hi.

I pau leh lailam khansakna dingin ,



ZogamOnline [dot] Com | The Zomi Social Network

 


Comments




Leave a Reply