WWW.TUNGZANGNEWS.COM

 
Nung deuh in news ah India gam a minam tawmcik leh a hau mahmah minam Parsi kicite poverty line thu tampi in kisim khin kha ding hi.

Bang hiam cih leh, Parsi kici minam sung ah “mi zawng” (poor) kici khat pen Rs 50,000 ciang khasim sumnaak a neizo khat ahihi.

Ahizong in nung deuh mah in tua pen laih leuleu uh a, Rs 50,000 pan Rs 90,000 ($1,613) per month ciang khasim sumnaak neite (monthly income) nei khat ‘mi zawng’ ci leuleu uhi.

Phawk ding thu khat pen, India kumpi in “mi zawng” (poor or below poverty line) a cih khat pen Rs 28.6 rupees (51 cents) nisim zat ding a neizo bek khat ahihi.

Tua man in Parsi kicite ngaihsutna ah India mi tampi pen a “zawng” ahihi.

Hih thu ka sim ciang in ka lungsim ah hong thu om khat pen Zomite poverty line bang(zah) ai tam?

Rs 2,000 per month khasum nei khat “mi zawng” in i sim hiam (ni khat Rs 66 zat ding nei)?

A lehlam ah Zomi ‘mihau’ i cih khat in monthly income bang ciang neite ai tam?

Zomi khat in monthly income Rs 100,000 nei leh a hau in i sim diam?

 


Comments




Leave a Reply