WWW.TUNGZANGNEWS.COM

 
Mangkang hun lai in Zomi te ki pum khat na hang leh ki thu tuak na hang in Mangkang kumpi in Galkap ding leh kumpi na sem ding in hong koih, hong muang mahmah uh hi.

A hi zong in Kawlgam suahtakna i ngah khit ciang mi namdang ten hong kih ta uh a hih man in, i ki thu tuah na te suk siat ding hong ki pan ta uh hi. Kumpi lam ah U Lian khat hong kah tak ciang Zogam khuapi zong hong laih pah hi. Zo ngeina Puan leh Pau te zong koi pen zang ding cih om lo in a utut un hong laih sak hi.

Tua bek tham lo in I mipil khempeuh Zogam ah a ciah kik nop loh nang in Zogam pen lampi beek zong hong puah sak lo hi. Tua ahih man in Mipil Mihau teng pen Zogam ah ciah nawn lo in Minam dang te lak ah ki awk ta hi.

Tuak bek tham lo in pawl tuamtuam i ki khen theih na ding zong phal tak in hong pia aa , en bang mah thei lo in pawl tuamtuam in i leng khia mang aa, i ki thu tuah na ding khem peuh pen hong bei semsem hi.

Tu hun ciang in Zomi te lak ah ki pum khat na te a hak sat semsem na ding in Zomi Leh Chin cih tawh hong buai sak hi. Pawl khat ten Chin i deih aa, pawl khat ten Lai i deih aa,pawl khat ten Zomi i deih na tawh ki zui in ki pum khat na leh ki thu tuah na te hong mangmang ta mawk hi. Pau leh Ham zong ZoGam khua pi ah Midang pau tawh i pau aa, Zomi te zong Mi dang pau tawh i ki hopih ta hi. Tua bek tham lo in Zomi te lei tung mun tuamtuam ah i ki theh thaang ta aa, ki pum khat theih na ding pen hong hak sa ta hi.

Tua a hih man in Zomi a ki ci khempeuh ki thu tuah theih na ding in Pau Nam Khat zat kul ding aa, MiNam vai ah Biak na te koih phot ding hong ki sam hi . Zomi te i om na ciat ah Zomi Min tawh Ki pawl na te thupisak in Zolai te thupi sak ding hun ta hi. Zomi te i ki pum khat theih kei leh i minam pen mun tuamtuam om i hih man in hun khat ciang hong mangthang kha ding hi. A hi zong in Ki Pum Khat in Khut Khat tawi Khe khat khai bang i hih nak leh hun khat ciang , Zomi te MiNam Lian , Mi Nam Hampha leh ZoGam Nuam hong suak peel mawh ding hi.

Deih sak na tawh,

Lamh Kim (BA, His)
ZomiDaily

 


Comments




Leave a Reply