WWW.TUNGZANGNEWS.COM

 

Zomi Lainatpih Huhngetna le Tangkona

A tung a thulu tawh kizui-in USA, Taxas State, Dumas ah JBF Bawngsa bawlna Company a nasem Nu Man Lun Cing (Anlang) pen abeisa June 18, 2012 ni zingsang nasem kuan dingin inn pan a paikhiat laitak kamsiatna tawh US Highway 287 lampi tungah a tuanna uh Motor Accident tuakin, tuni ciang dong Zato ah lungkham thanem in om cih thu Zomi Nett sung tengah tangkona zakhin ciat dingin i kilamen hi. I sanggam Nu Man Lun Cing le a pasal Pa Thawng Pian Tuang (Tungzang) te in tapa thum nei uh a, tulaitak 502 S.Mered Ith, Dumas, TX - 79029 ,USA ah teng uh hi. Hih bang haksatna a tuak uh ciangin, a tate teng lah neu lai banah a lawmpa zong nasem thei nawn lo uh ahih manin, lungkham in khitui naptui tawh sih le hin kikal ah om uh hi.

A tuahsiat zia pen a tuanna Motor pen apei langkhat kitam in, anung pan atai motor khatin phu phei pah hi. Tua bangin a phut ciangin i sanggamnu pen aphual ah sibup pahin khuaphawk nawn lo hi. Pasian huhna tawh Emergency Helicopter in Zato lam puak thei pahin, Zato a tun akipan Vanleng cial man US$ 20,000 leh zatui/ zaha kibawlna a tawm pen US$ 30,000 kim le a vekpigawm US$ 50,000 bei pelmawh dingin sazian kimukhia ci hi. Pasian huhna le a kuama ciat thungetsakna tawh noptuam lam manawh  zawdeuh a, ahi zongin, a Kawng nuaisiah zawsuak in, zun le ek nangawn paithei lo hi.
Tua ahih manin, hih bang a tuahsiatna tuak i sanggamte innkuan pen Zomite' etloh donloh leh panpihna lo tawh hih a tung a sum le paii beite piakzawhna ding lametna om vetlo ahih manin, leitung mun tuamtuam a om Zomi laizom akua maciatin lainatpihna tawh panpih ciat dingin i kizawn hi. Innkuan sumlut ( Family Income) bang mahmah nei nawn lo uh ahih manin, cihna ding thei loin lungkham, mangbang in om uh hi. Tua hi in, ei innkuan sungah hih bang haksatna athuak ding bangin kingaihsun leng khasiat huai lua mahmah ahih manin, i sanggamte' lungkhamna vangik puakpih ding lunggulhna tawh WZC- Zomi Social Welfare Committee hiang khat ahi " Zomi Lainatpih Commiittee " min tawh panpihna kong ngetsak uh hi.
Hih " Zomi Lainatpih Committee " i ngimna bulpi in gam thumna tungsa Zomite' sungah gentheih haksatna le sihna, manna athuak om khak zenzen leh ei bekin i pumthuaklohna ding ngimna tawh WZC-Zomi Social Welfare Committee malakna nuai ah Lainatpihna nasepna khatin kikoih ding hi. A diakdiak in hunsawt damlote (Longtime Disability) panpih ding cih thu tawh a (74) veina WZC-EC Meeting Thukhensat No(1), (a) & (d) tungtawn in " Zomi Lainatpih Nasepna " kivaihawm khia ahi hi. Tua ahih manin tutung hih bang a tuahsiatna hong tuak i sanggamnu Man Lun Cing i maban nuntakna dingin lainatpihna takpi tawh i kizawhna zahzah ciat tawh panpih ciat ni ci-in, "Zomi Lainatpih Committee" min tawh kong zawn phapha uh hi.
Note:  Hih Zomi Lainatpih Committee i mai lam nasepzia ding tawh kisai-in, asawt loin hong kitangko khia kik pah ding hi. Tua banah tutung i Nu Man Lun Cing tuahsiatna vai tawh kisai gam tuamtuam a om Zomite in natvehna piak theihna dingin kizopna ding mi ( Contact persons) zong hong kitangko kik pah ding hi.
Zomi Lainatpih Committee InchargeThusa pi                                           WZC Information & Publicity                                           
               Pu Thang Khawm Pau                     Pu Khampeek
1009,Gryang way,Apt B.                  Email: khampeek@gmail.com
browling green,ky-42103                  Phone:  0047-46824269
joseptpau@gmail.com                      Norway
Ph: (270)217-9593
USA
Members:Pu Pau Lian 
Phone:  954-266-9065Email: lyan245@gmail.com
USA

Pu MackTawngPhone:  602-696-7648Email: macktawng@gmail.com
USA

--  
 


Comments




Leave a Reply